Rusiya səfiri Azərbaycan Dillər Universitetinin qonağı olub
Tarix: 18.10.2018 | Saat: 13:28:00 | E-mail | Çapa göndər


Azərbaycan Dillər Universitetinin (ADU) rektoru akademik Kamal Abdulla Rusiya Federasiyasının ölkəmizdəki fövqəladə və səlahiyyətli səfiri Mixail Boçarnikovu qəbul edib.
Rektor K.Abdulla səfiri universitetdə görməkdən şad olduğunu bildirib. K.Abdulla Rusiya prezidenti Vladimir Putinin Azərbaycana səfəri zamanı Bakı Slavyan Universitetində də olduğunu xatırladıb: “O vaxt mən Bakı Slavyan Universitetinin rektoru idim. İki böyük liderlə – Ulu Öndər Heydər Əliyev və Vladimir Putinlə görüşdə iştirak etmək qürurverici idi. Həmin görüş indiyə kimi xatirimdədir. Xoşməramlı görüşün təəssüratları bu günə kimi məni müşayiət edir”.
Həmin görüşdən sonra Rusiyadan ölkəmizə rəsmi şəxslər, dəyərli qonaqların gəldiyini deyən rektor K.Abdulla hazırda ADU-nun Rusiyanın bir sıra universitetləri ilə əməkdaşlıq etdiyini diqqətə çatdırıb: “Həmçinin, Puşkin adına Rus dili Dövlət İnstitutu ilə mühüm layihələr həyata keçiririk, mühüm məsələlərin həlli üçün müzakirələr aparırıq. Universitetlərlə əməkdaşlıq istiqamətində sizin də köməyinizi əsirgəməyəcəyinizə inanırıq”. ADU-da tədris olunan dillər haqqında danışan K.Abdulla fakültələr, dil və mədəniyyət mərkəzləri, elmi-tədqiqat laboratoriyalarının fəaliyyəti barədə danışıb. Rus dilinin universitet üçün lazımi komponent olduğunu deyən rektor ölkələrarası münasibətlərə töhfə vermək üçün qarşılıqlı dil biliklərin və araşdırmaları təkmilləşdirməyin faydalı olduğunu söyləyib.
Səmimi qəbula görə təşəkkür edən səfir M.Boçarnikov universitetdə olmaqdan məmnunluğunu bildirib. ADU-da rus dilinin tədrisinin və “Rusiyaşünaslıq mərkəzi” Elmi-Tədqiqat Laboratoriyasının fəaliyyətini yüksək qiymətləndirib. O, Rusiyanın növbəti üç universitetinin Azərbaycanda fəaliyyətinin təmin edilməsi istiqamətində danışıqlar aparıldığını diqqətə çatdırıb. Səfir “Səfir saatı” layihəsinin həyata keçirilməsini təqdirəlayiq hal hesab edərək tələbələrin səfirlərlə görüşməsinin faydalı və səmərəli olduğunu söyləyib.
Səfir ADU-nun Heydər Əliyev adına Muzey Lektoriyası, “Rusiyaşünaslıq mərkəzi” Elmi-Tədqiqat Laboratoriyası və digər mərkəzləri ziyarət etdikdən sonra “Səfir saatı” çərçivəsində tələbələrlə görüşüb.
Görüşdə səfir M.Boçarnikov Azərbaycan və Rusiya arasındakı qarşılıqlı əlaqələrdən bəhs edib. Soçi şəhərindəki “Boçarov Ruçey” dövlət iqamətgahında Azərbaycan Respublikasının Prezidenti İlham Əliyevin və Rusiya Federasiyasının Prezidenti Vladimir Putinin görüşü haqqında danışıb. Səfir iki ölkə arasındakı iqtisadi, ticari, mədəni əlaqələrdən söz açıb. O, ticarət sahəsində əməkdaşlığın genişləndirilməsi variantlar haqqında danışıb. Səfir M.Boçarnikov milli maraqlara cavab verən və qarşılıqlı fayda verəcək razılaşmaların ölkələr arasında mehriban qonşuluq əlaqələrini daha da möhkəmləndirəcəyinə əminliyini bildirib.

Tural Tağıyev




 
Bölməyə aid digər xəbərlər
18.03.2019
Elektromaqnitizmin müxtəlif sahələrinə mühüm töhfələr verən görkəmli azərbaycanlı alim
18.03.2019
Bakı Ali Neft Məktəbi Qara Dəniz Universitetlər Şəbəkəsi ilə əməkdaşlığı genişləndirir
18.03.2019
“Qaranlığın fotosu“ adlı kitabın təqdimatı olub
18.03.2019
Tələbələr Heydər məscidini ziyarət ediblər
17.03.2019
“Abituriyent” jurnalının 2-ci nömrəsi çapdan çıxıb

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10697

1 Akademik Ramiz Mehdiyev tariximizin xanlıqlar dövrünə sənədlər işığında nəzər salır
2 Təhsilə qoyulan sərmayə gələcəkdə yüksək potensiala malik savadlı gənclərin yetişməsini təmin edəcək
3 Xaricdəki və yerli ictimai birliklərin növbəti virtual görüşü olub
4 “Kaspersky Password Manager” proqramının yeni versiyası şifrənin təhlükəsizliyini yoxlayır
5 “Sondakika.com”: “Apreldən TANAP-ın Avropaya təbii qaz göndərəcək hissəsində sınaqlara başlanacaq”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info