Şəkər xəstələri üçün milli brendli dərman istehsal olunub
Tarix: 18.10.2018 | Saat: 14:49:00 | E-mail | Çapa göndər


Elnur Rəhimov: “Bitki tərkibli dərmanların doza və təsiredici maddələri icazə verilən həddədirsə, bu zaman müalicəvi effektliliyi də yüksəkdir”

Hər hansı xəstəliyi sağaltmaq baxımından bitki tərkibli dərmanların da bir çox üstünlükləri var. Əslində, bitki tərkibli dərmanlarla qaydasında müalicə almaq daha etibarlı və fəsadsız olur. Elə fitoterapevt Elnur Rəhimovla da bu mövzuda həmsöhbət olduq.

- Bitki tərkibli dərmanlarla müalicənin nə kimi üstünlükləri var?

- Bitki tərkibli dərmanların doza və təsiredici maddələri icazə verilən həddədirsə, bu zaman müalicəvi effektliliyi də yüksəkdir. Daha çox xroniki xəstəliklərin müalicəsində bitki tərkibli vasitələrdən-dərmanlardan istifadə edilir. Bəzi uzun müddət davam edən revmatoloji xəstəliklər, xroniki obstruktiv ağciyər xəstəlikləri, şəkərli diabet, hormonal disfunksiyalar, sinir və damar xəstəliklərində müalicə seçimi az olduğuna görə köməkçi vasitələrə üstünlük verilir.

- Bildiyimizə görə bu günlərdə sizin “Diabennur” dərmanı istehsal olunub. Bu dərmanın əsas tərkibi nədən ibarətdir?

- “Diabennur” kapsulu bioloji aktiv qida əlavəsidir, əsas tərkib hissəsinə qaragilə meyvəsi, yarpağının ekstraktı, darçın qabığı, vərəmum (propolis), yaşıl çay və kəklikotu aiddir. Qeyd olunan bitkilər mədəaltı vəzinin funksiyasını yaxşılaşdıran və insulin hasilatını artıran aktiv maddələrdən ibarətdir.

-Dərman harada istehsal olunub?

- Tərkibini təklif etdiyim “Diabennur” kapsulu Türkiyədə uzun müddət tədqiqatı aparıldıqdan sonra Antalya şəhərində istehsal olunub. Azərbaycan Respublikası Səhiyyə Nazirliyinin Analitik Ekspertiza Mərkəzindən müsbət rəy alaraq qaydalara uyğun şəkildə lisenziyası verilmişdir.

- Əsasən, hansı xəstələr bu dərmandan istifadə edə bilərlər?

- Dərmanın kapsulunu 2-ci tip Şəkərli Diabet, Metabolik sindrom (Piylənmə), Diabetə meyilli xəstələr, Postprandial Hiperqlikemiyalı (Yeməkdən sonra qanda şəkərin birdən-birə yüksəlməsi) şəxslər, İnsulin rezistentliyi olanlar birincili və köməkçi vasitə kimi istifadə edə bilərlər.

- Ümumiyyətlə, Azərbaycanda bitki tərkibli belə dərmanların hazırlanmasının nə kimi perspektivi var?

- Azərbaycanda kifayət qədər şəkərli diabet kimi bir sıra xroniki xəstəliklərdən əziyyət çəkən populyasiya az deyil və buna görə də belə təbii komponentlər əsasında hazırlanmış dərmanların və qida əlavələrinin olması təqdirəlayiqdir. Önəmli olan keyfiyyətin yüksək şəkildə olması və insanların sağlamlığına yan təsir yaratmamasıdır.

Fuad Hüseynzadə




 
Bölməyə aid digər xəbərlər
18.03.2019
“Davamlı olaraq inkişaf edən, güclənən bir Azərbaycan var”
16.03.2019
“Hamı “Qarabağ”ı məğlub etmək istəyir”
07.03.2019
Krançı qadın: “Bacarıq və cəsarət varsa, hər bir qadın istənilən kranı idarə edə bilər”
01.03.2019
“Milli geyimlərimiz Beynəlxalq Moda Festivalında hər kəs tərəfindən çox bəyənildi”
28.02.2019
Ötən il Neft Fondunun mənfəət nefti və qazın satışı üzrə gəlirləri 9,8 milyard dollar olub

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10701

1 Elektromaqnitizmin müxtəlif sahələrinə mühüm töhfələr verən görkəmli azərbaycanlı alim
2 Akademik Ramiz Mehdiyev tariximizin xanlıqlar dövrünə sənədlər işığında nəzər salır
3 Lənkəranın ucqar kənd məktəbində Novruz şənliyi keçirilib
4 Yuliya Naçalova vəfat edib
5 Fərdi yaşayış evlərinin sənədləşdirilməsi ilə bağlı konsepsiya hazırlanır


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info