Argentinada TÜRKSOY-un yaradılmasının 25 illik yubileyi qeyd olunub
Tarix: 18.10.2018 | Saat: 14:55:00 | E-mail | Çapa göndər


Argentinanın paytaxtı Buenos-Ayresdə ən nüfuzlu və prestijli tədbir məkanlarından olan Kirçner Mədəniyyət Mərkəzində TÜRKSOY-un dəstəyi, Azərbaycan, Qazaxıstan və Türkiyə səfirliklərinin təşkilatçılığı ilə TÜRKSOY-un 25 illik yubileyi münasibətilə “Səslər və nəğmələr: Türk mədəni irsi Argentinada” adlı konsert proqramı və foto-sərgi keçirilib.
Azərbaycanın Argentinadakı səfirliyindən bildiriblər ki, tədbirdə Argentinada akkreditə olunmuş diplomatik korpusun, Argentina Milli Konqresinin nümayəndələri, Argentinanın Xarici İşlər və Etiqad Nazirliyinin rəsmi şəxsləri və yerli auditoriya iştirak edib.
Tədbirin rəsmi hissəsində çıxış edən Media və İctimai Məsələlər üzrə Argentina Federal Sisteminin direktoru Qustavo Mozzi mədəniyyətin xalqlararası təmasların gücləndirilməsində önəmli rolundan bəhs edib, zəngin türk mədəni irsinin Argentinada təqdim olunmasının əlamətdar hadisə olduğunu qeyd edib.
Daha sonra çıxış edən Azərbaycanın Argentinadakı səfiri Rəşad Aslanov 2018-ci ilin TÜRKSOY-un 25 illik yubileyi ilə yanaşı, Azərbaycan Xalq Cümhuriyyətinin 100 illiyi ilə də əlamətdar olduğunu bildirib. Diplomat Azərbaycanın türk dünyasının bir üzvü kimi türk xalqlarının ortaq mədəniyyətinin təşviqində yaxından iştirak etdiyini deyib.
TÜRKSOY-un təmsilçisi Elçin Qafarlı çıxışında təşkilatın tarixi və fəaliyyət istiqamətləri barəsində məlumat verib. Türk xalqlarının zəngin ortaq keçmişi, tarixi və mədəniyyətinin tərənnümü olan konsert və fotosərginin Argentina ictimaiyyəti arasında müsbət təəssüratlar oyadacağına ümidvar olduğunu vurğulayıb.
Tədbirin bədii hissəsində Azərbaycan, Qazaxıstan və Türkiyə sənətçilərinin ifasında musiqi nümunələri tamaşaçılara təqdim olunub. Azərbaycan musiqiçilərinin ifasında “Mənim Azərbaycanım”, “Küçələrə su səpmişəm”, “Sarı gəlin”, “Sən gəlməz oldun” mahnıları və “Şahnaz” muğamı səsləndirilib. Həmçinin konsertdə məşhur argentinalı bəstəkar Astor Piazzollanın “Adios Nonino” əsəri tarda ifa ilə tamaşaçılara təqdim edilib. Konsert sənətçilərin birgə ifa etdiyi “Qardaşlıq türküsü” ilə yekunlaşıb.

Fuad




 
Bölməyə aid digər xəbərlər
21.01.2019
Hacı İsmayılov “Şöhrət” ordeni ilə təltif edilib
21.01.2019
“Vikipediya”da Elza İbrahimova haqqında səkkiz dildə məqalə yaradıldı
21.01.2019
Nəsiminin “Hüseyni” təxəllüsü ilə yazdığı şeirləri aşkarlanıb
21.01.2019
“Gəl, ey səhər“ Tələbə Mahnı Müsabiqəsi keçirilib
21.01.2019
Ofeliya Aslan Musiqili Teatrda yad ediləcək

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Dərslər təxirə salındı
2 “Mənim güc mənbəyim Bakıdadır”
3 Mehman Hüseynov Prezident İlham Əliyevə müraciət ünvanlayıb
4 Ahmet Gencehan Babiş: “Türkiyənin Azərbaycanın razı olmayacağı bir işdə olması mümkün deyil”
5 Azərbaycanın Birinci vitse-prezidenti Mehriban Əliyeva Nikola Sarkozi ilə görüşüb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info