Vaşinqtonda Azərbaycanın dövlət müstəqilliyi qeyd olunub
Tarix: 19.10.2018 | Saat: 13:37:00 | E-mail | Çapa göndər


Vaşinqtonda Azərbaycan Respublikasının dövlət müstəqilliyinin bərpasının 27-ci ildönümü münasibətilə bayram tədbiri keçirilib. Ölkəmizin ABŞ-dakı səfirliyinin dəstəyi ilə ABŞ-Azərbaycan Ticarət Palatasının nəzdində fəaliyyət göstərən Azərbaycan Mədəniyyət Mərkəzində təşkil olunan tədbirdə soydaşlarımızla yanaşı, Vaşinqtonda yerləşən akademik qurumların və yerli ictimaiyyətin nümayəndələri iştirak ediblər.
Tədbirin açılışında Vaşinqtondakı Azərbaycan məktəbinin şagirdləri bütün iştirakçılarla bərabər Azərbaycanın dövlət himnini ifa ediblər. Sonra ABŞ-Azərbaycan Ticarət Palatasının icraçı direktoru Natiq Baxışov qonaqları salamlayaraq hamını dövlət müstəqilliyimiz günü münasibətilə təbrik edib.
Azərbaycanın ABŞ-dakı fövqəladə və səlahiyyətli səfiri Elin Süleymanov çıxış edərək ölkəmizin dövlət müstəqilliyinin hər bir soydaşımız üçün qürur mənbəyi olduğunu, son 27 ildə böyük inkişaf yolu keçdiyini, ümummilli lider Heydər Əliyevin və Prezident İlham Əliyevin yürütdüyü ardıcıl siyasət nəticəsində dövlətçiliyimizin möhkəmləndiyini və Azərbaycanın dünya miqyasında nüfuzunun artdığını söyləyib. Yaşadığı məkandan asılı olmayaraq, hər bir azərbaycanlının ölkəmizin inkişafı üçün çalışdığını, milli amallar uğrunda bu səylərin daha da artırılmalı olduğunu qeyd edən səfir ABŞ-dakı Azərbaycan icmasını təbrik edərək icma quruculuğu işinə fəal töhfə verənlərə xüsusi təşəkkürünü bildirib. Daha sonra bayram tədbirində Vaşinqtondakı Azərbaycan məktəbinin şagirdləri tərəfindən şerlər oxunub, milli rəqslər nümayiş etdirilib və pianoda musiqilər səsləndirilib. Sonda qonaqlara milli mətbəximizin ləziz təamlarından və şirniyyatlarından ibarət ziyafət verilib. Qeyd edək ki, ABŞ Konqresinin bir neçə üzvü dövlət müstəqilliyimizin bərpasının 27-ci ildönümü ilə əlaqədar Azərbaycan tərəfinə təbrik ünvanlayıb.

Fuad




 
Bölməyə aid digər xəbərlər
18.03.2019
Əfv sərəncamlarının verilməsi humanizm, əxlaqi və cəmiyyətdaxili harmoniyanın qorunması baxımından böyük önəm daşıyır
18.03.2019
Əfv sərəncamı respublikamızın humanizm prinsipləri əsasında inkişaf yolu seçdiyini bir daha nümayiş etdirdi
18.03.2019
Millət vəkili: Əfv sərəncamı ümumi ictimai həmrəylik baxımından da əlamətdar hadisəyə çevrildi
17.03.2019
Azərbaycanın xarici işlər naziri Latın Amerikası ölkələrinə səfərə yola düşüb
16.03.2019
Prezident İlham Əliyev Səudiyyə Ərəbistanının energetika, sənaye və təbii sərvətlər nazirini qəbul edib

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10697

1 Akademik Ramiz Mehdiyev tariximizin xanlıqlar dövrünə sənədlər işığında nəzər salır
2 Təhsilə qoyulan sərmayə gələcəkdə yüksək potensiala malik savadlı gənclərin yetişməsini təmin edəcək
3 Xaricdəki və yerli ictimai birliklərin növbəti virtual görüşü olub
4 “Kaspersky Password Manager” proqramının yeni versiyası şifrənin təhlükəsizliyini yoxlayır
5 “Sondakika.com”: “Apreldən TANAP-ın Avropaya təbii qaz göndərəcək hissəsində sınaqlara başlanacaq”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info