Yüksək bal toplayan metropolitençi övladları ilə görüş keçirilib
Tarix: 19.10.2018 | Saat: 16:52:00 | E-mail | Çapa göndər


"Bakı Metropoliteni" QSC-də metropolitençilərin 500 və daha yüksək balla ali məktəblərə daxil olmuş övladları ilə görüş keçirilib.
“Bakı Metropoliteni” QSC-də işçilərin sosial rifahının gücləndirilməsi istiqamətində davamlı aparılan işin tərkib hissəsi olan bu tədbirin məqsədi metropolitençi ailələrində yetişən gənc nəslin təmsilçilərinin biliyə, təhsilə, elmə marağını həvəsini artırmaq, onların qayğılarını diqqət mərkəzində saxlayaraq gələcək uğurlarına inam hissi yaratmaq və stimul verməkdir.
"Bakı Metropoliteni" QSC-nin texnoloji korpusunda təşkil edilmiş tədbirdə səhmdar cəmiyyətin sədr müavini Hidayət Məmmədov, insan resursları və xidmət departamentinin rəisi Tərlan Dadaşov, Metropoliten İşçiləri Həmkarlar İttifaqının (MİHİ) sədri Arif Mərdanov, mətbuat xidməti və ictimaiyyətlə əlaqələr şöbəsinin rəisi Bəxtiyar Məmmədov, tədbirin səbəbkarı olan 27 tələbə, onların valideynləri və metropolitenin sosial həyatında fəal olan işçilər iştirak ediblər. Tədbirdə dəvət olunmuş qonaq qismində Azərbaycan Respublikası Təhsil Nazirliyi aparat rəhbərinin müavini Yaqub Piriyev iştirak edib.
Rəhbərlik adından tələbə adını qazanmış metropolitençi övladlarını salamlayaraq təbrik edən Tərlan Dadaşov tədbirin 18 Oktyabr - Azərbaycanın Dövlət Müstəqilliyi Günündə qeyd edilməsinin rəmzi xarakter daşıdığını vurğulayaraq bildirib ki, hər bir dövlət üçün gələcəyin rəmzi məhz gənclərdir. O, dövlət müstəqilliyinin əldə edilməsinin ictimai-siyasi əhəmiyyəti, "Bakı Metropoliteni" QSC yaradıldıqdan sonra müəssisədə həyata keçirilən sosial, o cümlədən korporativ sosial məsuliyyət çərçivəsində tədbirlər haqqında məlumat verib, gənc kadrların hazırlanması sahəsində görülən işlərdən bəhs edib. Meropolitenin profilinə uyğun sənətlər üzrə təhsil alan tələbələrin QSC rəhbərliyi tərəfindən xüsusi nəzarət altında saxlandığını və gələcəkdə bu kadrların metroda çalışması üçün hər bir imkanların yaradıldığını söyləyib.
QSC sədrinin müavini Hidayət Məmmədov son illərdə metroda həyata keçirilən innovativ yeniliklərdən, Bakı metrosunun dünya metropolitenləri ailəsində, inkişafın səviyyəsinə görə, yüksək məqamlara nail olduğundan danışıb və yeniliklərin tətbiqində gənclərə böyük ümidlər bəsləndiyini xüsusi vurğulayıb.
Təhsil Nazirliyinin nümayəndəsi Yaqub Piriyev də tələbələri səmimi sözlərlə təbrik edib. Çıxışçı Azərbaycanın təhsil sahəsindəki inkişafı, dünyada ən mütərəqqi təhsil metodlarının tətbiqi, ali məktəblərdə sənayenin hər bir sahəsi, eləcə də nəqliyyat sektoru üçün savadlı mütəxəssislərin hazırlanması sahəsində əldə edilən nailiyyətlər barədə məlumat verib.
MİHİ sədri Arif Mərdanov tələbələri təbrik edərək, tövsiyələrini verib və Azərbaycana hərtərəfli inkişaf etmiş gənclərin lazım olduğunu qeyd edib. O, həmkarlar ittifaqının sosial layihələrindən bəhs edərək, bu xüsusda 600 və daha yüksək balla ali məktəblərə daxil olmuş metropolitençi ailələrinin övladları ilə rəhbərlik etdiyi təşkilatda görüşlərin ənənəsinin 2015-ci ildən qoyulduğunu diqqətə çatdırıb.
Sonra səbəbkarlara qiymətli hədiyyələr təqdim edilib.
Tədbirdə çıxış edən valideynlər və tələbə adını qazanmış gənclər başda QSC sədri Zaur Hüseynov olmaqla, metropoliten rəhbərliyinə və mehriban kollektivinə təşəkkürlərini bildiriblər.
Tədbir elektromexanika xidmətinin əməkdaşı Mətanət Məmmədovanın 3 tələbə və magistraturaya daxil olmuş metropolitençi – nasos sahəsinin elektrik mexaniki Həbib Abbaszadə ilə hazırladığı “Zaman və biz” ədəbi kompozisiyasının təqdimatı ilə sona çatıb.

Tural




 
Bölməyə aid digər xəbərlər
20.03.2019
Tovuzda şəhid ailələrinə bayram sovqatı paylanıb
19.03.2019
Məcburi köçkün qəsəbələrində Novruz şənlikləri keçirilib
19.03.2019
Qaradağda bayram münasibəti ilə aztəminatlı ailələrə yardım edilib
18.03.2019
Müharibə əlilləri və onlara bərabər tutulanlar üçün bu il əlavə 400-dən çox avtomobil alınıb veriləcək
18.03.2019
Övladlığagötürmə ilə bağlı yeni Qaydaların layihəsi hazırlanır

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10701

1 Elektromaqnitizmin müxtəlif sahələrinə mühüm töhfələr verən görkəmli azərbaycanlı alim
2 Akademik Ramiz Mehdiyev tariximizin xanlıqlar dövrünə sənədlər işığında nəzər salır
3 Lənkəranın ucqar kənd məktəbində Novruz şənliyi keçirilib
4 Yuliya Naçalova vəfat edib
5 Fərdi yaşayış evlərinin sənədləşdirilməsi ilə bağlı konsepsiya hazırlanır


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info