Azərbaycan Konyak Polar Festivalında yüksək səviyyədə təmsil olunub
Tarix: 21.10.2018 | Saat: 10:21:00 | E-mail | Çapa göndər



Fransadakı səfirliyimizin təşkilatçılığı və dəstəyi ilə Azərbaycanın Xalq yazıçısı, Yazıçılar İttifaqının katibi Çingiz Abdullayev Konyak şəhərində 23-cü Polar festivalında ölkəmizi təmsil edib.

AZƏRTAC xəbər verir ki, festival çərçivəsində Konyak şəhərinin meri Mişel Qurənşa bütün dünyada tanınan Çingiz Abdullayevi meriyada qəbul edib.
Konyakın meri iki ölkə arasındakı münasibətlərə toxunaraq, Konyak və Tovuz şəhərlərinin qardaşlaşmasından söz açıb. İki şəhər arasındakı əlaqələrin daha da möhkəmləndiyini qeyd edib. Heydər Əliyev Fondunun təşkilatçılığı ilə Konyakda böyük şairə Məhsəti Gəncəvinin abidəsinin meriyanın bağında ucaldılmasının orada əsil Azərbaycan mühiti yaratdığını diqqətə çatdırıb.
M. Qurənşa deyib “Biz çox istəyirik ki, Azərbaycanın dövlət başçısını və Birinci vitse-prezidentini Konyak şəhərində görək. Onları şəhərimizdə görmək bizim üçün böyük şərəf olardı”.
Fransadakı səfirliyimizin ikinci katibi Fərid Soltanov mədəni əlaqələrin iki xalq və ölkə arasında münasibətlərin möhkəmləndirilməsində oynadığı böyük roldan danışıb. Heydər Əliyev Fondunun prezidenti, Azərbaycanın Birinci vitse-prezidenti Mehriban Əliyevanın iki ölkə arasında mədəni əlaqələrin inkişafına verdiyi töhfələrdən söz açıb. Fondun dəstəyi ilə Fransada həyata keçirilən vacib layihələrdən danışıb. Konyak şəhəri ilə əlaqələrə böyük önəm verildiyini diqqətə çatdırıb.
Azərbaycanın Xalq yazıçısı Çingiz Abdullayev Polar festivalına dəvət etdiyi üçün Konyakın merinə təşəkkürünü bildirib. “Fransada nəşr olunan hər bir kitabım mənə böyük şərəfdir. Belə böyük ədəbiyyatı olan ölkədə nəşr edilən kitabla yalnız fəxr etmək olar.
Ancaq böyük şairəmiz Məhsəti Gəncəvinin abidəsini görəndə daha çox sevindim. Azərbaycan Yazıçılar İttifaqının katibi, Penklubun prezidenti kimi minillik tarixi olan belə bir şəhərdə Məhsəti Gəncəvinin abidəsinin ucaldılmasına verdiyi dəstəyə görə Azərbaycanın Birinci vitse-prezidenti Mehriban Əliyevaya böyük təşəkkürümü bildirirəm”, - deyə Ç. Abdullayev vurğulayıb.
Qəbulda müxtəlif ölkələrdən gələn detektiv yazıçılar da iştirak ediblər.
Sonra Məhsəti Gəncəvinin abidəsi ziyarət edilib.
Yenidən detektiv kitablar sərgilənən salona gələn Ç. Abdullayev Konyak Polar festivalının “Qızıl kitabı”nı imzalayıb. Kitabseverlər dünyada tanınan yazıçımızın əsərlərinə xüsusi maraq göstəriblər. Onun imzası ilə kitablarını alıblar.
Festivalın prezidenti növbəti Polar festivalında Azərbaycan detektiv yazıçısının əsərləri ilə yanaşı, onların əsasında çəkilmiş filmlərin göstərilməsi ilə bağlı marağını gizlətməyib. Gələn il Ç. Abdullayevin əsərləri əsasında çəkilmiş filmlər də festivalda yer alacaq.
Qeyd edək ki, Konyak şəhərində keçirilən 23-cü Polar festivalında oxucuların dünyanın müxtəlif ölkələrindən gələn detektiv yazıçılarla görüşmək və onların imzası ilə kitablarını almaq şansı olub. Üç gün davam edən festival çərçivəsində detektiv filmlər, tamaşalar nümayiş olunub.




 
Bölməyə aid digər xəbərlər
13.11.2018
“Gedir dayanmadan zamanın köçü”
13.11.2018
İsa Həbibbəyli: “Dövlətçilik ideyalarının folklorda yaşadılması Cümhuriyyət üçün mənəvi əsas formalaşdırıb”
12.11.2018
El aşıq və şairlərinin irsi toplanmalıdır
12.11.2018
Özbəkistanda Hüseyn Cavidə həsr olunmuş beynəlxalq konfrans keçirilib
12.11.2018
O, ELƏ BİR İSİM Kİ...

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10462

1 İncəsənət dünyaya sülh gətirir
2 İsveçdə Skandinaviya Azərbaycanlılarının Koordinasiya Şurası yaradılıb
3 “Universitetlərdə rəhbər şəxslərin qapıları tələbələr üçün daim açıq olur”
4 Polşalı şagirdlər Azərbaycan nağıllarına illüsturasiyalar çəkiblər
5 “2019-cu ildə əmək haqları və pensiyalar artacaq”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info