Artıq Ermənilər özlərinə aid olmayan torpaqlar uğrunda canlarından keçmək istəmirlər
Tarix: 03.11.2018 | Saat: 16:18:00 | E-mail | Çapa göndər


Artıq Ermənilər özlərinə aid olmayan torpaqlar uğrunda canlarından keçmək istəmirlər. Bunu Trend-ə açıqlamasında analitik Ehtiram Aşırlı deyib.
O qeyd edib ki, hazırda Ermənistanda demoqrafik vəziyyət acınacaqlıdır: "Ermənistan Cənubi Qafqaz ölkələri içərisində ən az əhaliyə malikdir. Burada mövcud olan və gündən-günə daha da ağırlaşan problemlər demoqrafik duruma mənfi təsir göstərir. Ermənilər 100 il əvvəl işğal yolu ilə əldə etdikləri torpaqları artıq tərk edib başqa ölkələrə gedirlər. Bunun isə əsas səbəbi ölkədə hökm sürən sosial-iqtisadi problemlər, dövlət səviyyəsinə yüksəlmiş korrupsiya və özbaşınalıqlardır. Ermənistan Milli Statistika Xidmətinin 2018-ci il oktyabrın 1-nə olan məlumatına görə, ölkədə daimi yaşayan əhalinin sayı 2 milyon 969,2 min nəfərdir. Bu, 2017-ci ilin eyni dövrü ilə müqayisədə 10 400 nəfər azdır. 2018-ci ilin 9 ayında əhalinin sayının 3500 nəfər azaldığı vurğulanır. 7400 min nəfərlik təbii artım müqabilində ölkədən 10 900 nəfər köçüb. Milli Statistika Xidmətinin məlumatında 2018-ci ilin 9 ayında doğum sayının 2017-ci ilin eyni dövrü ilə müqayisədə 4,2 faiz, ölüm hallarının isə 6,4 faiz azaldığı qeyd olunur. BMT-nin “Dünya əhalisinin perspektivləri-2017” illik hesabatında qeyd olunub ki, 21-ci əsrdə Ermənistanın daimi əhalisinin sayı 1 milyon 300 min azalacaq və 1 milyon 700 min nəfərə çatacaq".
Analitikin sözlərinə görə, bütün bunlar onu göstərir ki, demoqrafik böhrana təsir edən əsas faktorlar sırasına doğum və ölüm səviyyəsi, evlilik və boşanma nisbəti, miqrasiya dərəcəsi, təbii fəlakətlər, ölkədəki sosial-iqtisadi problemlər daxildir:
"Hazırda miqrasiya Ermənistanın ən ağrılı problemidir. Ölkəni tərk edənlər arasında gənclərin üstünlük təşkil etməsi isə təsadüfi deyil. Bu problemlərlə yanaşı, onları narahat edən əsas məsələ ölkənin müharibə şəraitində olmasıdır. Onlar özlərinə aid olmayan torpaqlar uğrunda canlarından keçmək istəmirlər. Bundan əlavə, miqrasiya edən əhalinin çox hissəsi ali təhsilli, iş qabiliyyəti olan insanlardır. Demoqrafik vəziyyətdə təhlükənin əsas göstəricilərindən biri məktəblərdə və universitetlərdə tələbələrin sayının ildən-ilə azalmasıdır. Ölkəni tərk edənlərin təxminən 30 faizi universitet məzunu, 49 faizi orta məktəb məzunudur. Sadəcə olaraq 21 faizi təhsilsizdir. Rəsmi məlumatlara görə, 2008-ci ildən bəri, yəni Serj Sarkisyanın hakimiyyəti dövründən bu vaxta qədər 350 mindən cox erməni ölkəni tərk edib. Ümumən son 20 ildə ölkəni tərk edənlərin sayı 500 min nəfərə yaxındır. Bu, birbaşa hakimiyyət orqanları tərəfindən həyata keçirilən siyasətin nəticəsidir".

E.Aşırlı vurğulayıb ki, Ermənistanda cəmiyyətin pessimist əhvali-ruhiyyəsinin əsas səbəbi bir neçə ailənin əlində olan monopoliya, korrupsiya, ölkədə mövcud olan qanunsuzluqlar, demokratik dəyərlərin və insan hüquqlarının pozulması, işsizlik və yoxsulluq hallarıdır ki, bu da əhalinin başqa ölkələrə getməsinə səbəb olan amillərdir: "Hazırda Ermənistanda hər 4 nəfərdən biri xaricdə yaşamağa məcbur olub. Son illər paytaxt İrəvanda bir çox ticarət mərkəzləri bağlanıb. Ölkənin demoqrafik göstəriciləri çox aşağıdır. Ermənistanda hakimiyyət dəyişikliyi olsa da, sosial-iqtisadi göstəricilər hələ də bərbad durumdadır. Fikrimcə, vəziyyətin bu şəkildə davam etməsi onsuz da siyasi, iqtisadi və hərbi cəhətdən iflic vəziyyərində olan Ermənistan üçün ağır nəticələnə bilər. Çünki gələcəkdə ölkədə işləməyə, xidmət etməyə vətəndaş tapılmayacaq".




 
Bölməyə aid digər xəbərlər
21.11.2019
Azərbaycanın Birinci vitse-prezidenti Mehriban Əliyeva Putinlə görüşəcək
21.11.2019
Prezident Bolqarıstanın Daxili İşlər nazirinin başçılıq etdiyi nümayəndə heyətini qəbul edib
21.11.2019
Bakı və Təbriz şəhərləri arasında əməkdaşlıq haqqında müqavilə imzalanacaq
21.11.2019
Sumqayıtda çoxmənzilli binaların dam örtüklərinin dəyişdirilməsinə vəsait ayrılıb
21.11.2019
Zakir Fərəcov 1-ci dərəcəli “Vətənə xidmətə görə” ordeni ilə təltif edilib

Şərh əlavə olunmayıb

    ,    
Namiq Əliyev
Anar MİRİYEV
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10950

1 Prezident Naxçıvan Muxtar Respublikası Ali Məclisinin Sədri Vasif Talıbovu qəbul edib
2 Milli Qəhrəman ailələrinin ödənişsiz müayinə və müalicəsi kampaniyasına başlanılıb
3 Bakıda Milli Qəhrəman Albert Aqarunovun heykəlinin rəsmi açılışı olub
4 Prezident İlham Əliyev Pirşağı dəmir yolu stansiyasının açılışında iştirak edib
5 Nazirlər Kabinetinin mətbuat xidmətinə yeni rəhbər təyin olunub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info