İsveçdə Skandinaviya Azərbaycanlılarının Koordinasiya Şurası yaradılıb
Tarix: 07.11.2018 | Saat: 12:56:00 | E-mail | Çapa göndər


İsveçdə səfərdə olan Diasporla İş üzrə Dövlət Komitəsinin sədri Fuad Muradov Skandinaviya Azərbaycanlılarının Koordinasiya Şurasının yaradılması ilə əlaqədar keçirilən konfransda iştirak edib.
Stokholmda yerləşən Şeraton otelində baş tutan konfransda Azərbaycanın İsveçdəki səfiri Adış Məmmədov, habelə İsveç, Norveç, Finlandiya və Danimarkada fəaliyyət göstərən müxtəlif diaspor təşkilatlarının rəhbərləri və fəalları iştirak ediblər.
Tədbiri giriş sözü ilə açan səfir Adış Məmmədov Azərbaycan dövlətinin diasporamıza olan diqqətini qeyd edərək bu sahədə aparılan siyasətin verdiyi müsbət nəticələrdən söz açıb. Səfir, Skandinaviya regionundakı diaspor təşkilatlarının həyata keçirdiyi işlərə nəzər salaraq, cari durumu qiymətləndirib və qarşıda duran vəzifələrdən danışıb.
Diplomat deyib: “Hesab edirəm ki, hansı ölkədə yaşayıb işləməsindən asılı olmayaraq hər bir azərbaycanlı ölkəmizin milli maraqlarına, dövlət məsələlərinə diqqətlə yanaşmalı və vətənimizin ümumi reallıqlarının təşviq olunmasında, tanıdılmasında əlindən gələni etməlidir”. Azərbaycana qarşı məkrli siyasət yürüdən qüvvələrin olduğunu və onların milli maraqlarımıza zidd mövqe formalaşdırmağa çalışdığını təəssüf hissi ilə bildirən Adış Məmmədov baş verən təxribatların qarşısının alınmasında diasporanın fəaliyyətinin vacib olduğunu vurğulayıb. Bunun hər şeydən öncə hər bir azərbaycanlının vətəndaşlıq borcu olduğunu tədbir iştirakçılarının diqqətinə çatdırıb.
Sonra çıxış edən Diasporla İş üzrə Dövlət Komitəsinin sədri Fuad Muradov Azərbaycan həqiqətlərinin dünya ictimaiyyətinə çatdırılması, diasporumuzun inkişaf istiqamətləri, diaspor ilə əməkdaşlığın daha yüksək səviyyəyə qaldırılması yolunda atılan addımlar barədə ətraflı məlumat verib.
Təməli ümummilli lider Heydər Əliyev tərəfindən qoyulan Azərbaycan diasporunun mövcud vəziyyəti barədə geniş söhbət açan Fuad Muradov, diaspor fəaliyyətinin daim ölkə rəhbərliyinin diqqətində olduğunu bildirib. Komitə sədri xarici ölkələrdə, diaspor işini sürətləndirməyin vacibliyindən, qarşısında duran vəzifələrdən və Prezident İlham Əliyevin tapşırıqlarından da danışıb. Skandinaviya regionunda fəaliyyət göstərən diaspor üzvlərini həmrəy olmağa çağıran Fuad Muradov deyib: “Bizim məqsədimiz hər bir ölkədə, ümumi diaspor məsələləri ilə bağlı strateji istiqamətlərin müəyyənləşdirilməsi və yerlərdə fəaliyyət göstərən Azərbaycan diaspor təşkilatlarının daha da güclənməsindən ibarətdir. Bunun üçün isə dünyadakı bütün azərbaycanlıların azərbaycançılıq ideyasını rəhbər tutaraq birləşdirilməsi vacibdir”.
Keçirilən konfransın mahiyyətindən danışan Fuad Muradov Skandinaviya regionunda fəaliyyət göstərən təşkilatların rəhbərlərindən yeni təşəbbüslərlə çıxış etməyi, sosial və mədəni layihələrin reallaşmasına maraq göstərməyi tövsiyə edib. Görüş iştirakçılarını əmin edib ki, onların təşəbbüsləri, təklifləri qiymətləndiriləcək, heç bir diaspor təşkilatı və heç bir insan diqqətdən kənarda qalmayacaq.
Səmimi şəraitdə davam edən tədbirdə diaspor nümayəndələrinin sualları cavablandırılıb, onların təklif və ideyalar ətrafında maraqlı müzakirələr aparılıb. Diaspor fəaliyyətinin daha da səmərəli olması məqsədilə müxtəlif təkliflər səsləndirilib.
Konfransda komitənin yeni yazılmış himni və Diasporla İş üzrə Dövlət Komitəsinin fəaliyyətini əks etdirən filmlər nümayiş olunub, habelə qurumun yenilənmiş saytı və sosial şəbəkələrdəki hesabları barədə məlumat verilib.
Sonda İsveç, Norveç, Finlandiya və Danimarkada yaşayan diasporamızın daha konstruktiv və məqsədyönlü şəkildə fəaliyyəti üçün diaspor təşkilatlarımızın fəaliyyətinin əlaqələndirilməsi və daha aktiv fəaliyyət göstərməsi üçün İsveçdə Azərbaycanlılarının Koordinasiya Şurasının yaradılması haqda qərar qəbul olunub. Koordinasiya şurasına “Finlandiya Azərbaycan-Türk Gənclər Təşkilatının” sədri Ülviyyə Cabbarova, İsveçdə fəaliyyət göstərən yazıçı Eluca Atalı və diaspor fəalı Sara Eveberger, habelə Norveçdə fəaliyyət göstərən “Can Azərbaycan” təşkilatının rəhbəri Şervin Nəcəfpur əlaqələndirici qismində seçiliblər.
Tədbirin sonunda rəsmi ziyafət verilib.

Fuad




 
Bölməyə aid digər xəbərlər
21.11.2018
Polşa portalı Prezident İlham Əliyevin Belarusa rəsmi səfərindən yazıb
20.11.2018
Müxalifət islah olunmayacaq
20.11.2018
Belarus Azərbaycanın haqlı və ədalətli mövqeyini dəstəkləyir
20.11.2018
İzmirdə Türkdilli Ölkələrin Parlament Assambleyasının Şura iclası keçirilib
20.11.2018
Daxili İşlər Nazirliyində geniş kollegiya iclası keçirilib

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10507

1 Davamli dil siyasəti dövlətin əsas prioritet istiqaməti kimi
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
4 Almaniyada Naxçıvanla bağlı broşürlər paylanılıb
5 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info