AMEA ilə Dövlət Gömrük Komitəsi arasında anlaşma memorandumu imzalanıb
Tarix: 08.11.2018 | Saat: 15:47:00 | E-mail | Çapa göndər


Noyabrın 8-də Azərbaycan Milli Elmlər Akademiyasının Rəyasət Heyətində AMEA ilə Dövlət Gömrük Komitəsi (DGK) arasında anlaşma memorandumu imzalanıb.

AZƏRTAC xəbər verir ki, imzalanma mərasimindən əvvəl AMEA-nın prezidenti, akademik Akif Əlizadə DGK ilə əməkdaşlığın əhəmiyyətindən danışıb. Birgə fəaliyyətin idxal-ixrac əməliyyatlarında, əməliyyat-axtarış tədbirləri zamanı elmi araşdırmalardan istifadə edilməsi, informasiya texnologiyalarının tətbiqi, təhsil və elmi-tədqiqat məsələləri ilə əlaqədar qarşılıqlı dəstək və təcrübə mübadiləsinin aparılması, müştərək layihə və tədbirlərin həyata keçirilməsi baxımından zəruriliyini vurğulayıb.
Sonra Dövlət Gömrük Komitəsinin sədri, gömrük xidməti general-leytenantı Səfər Mehdiyev çıxış edib. Komitə sədri DGK-nın fəaliyyəti və perspektivlərindən, gömrük işi sahəsində həyata keçirilən islahatlardan, dövlətin bu sahəyə diqqət və qayğısından söz açıb. Gömrük orqanlarında müvafiq xidmət sferalarının keyfiyyətinin yüksəldilməsi istiqamətində elmi əməkdaşlığın vacibliyini qeyd edən S.Mehdiyev AMEA ilə DGK arasında işgüzar əməkdaşlığın bundan sonra daha sıx davam etdiriləcəyinə əminliyini bildirib. Tədbirdə digər çıxış edənlər memorandumun müştərək fəaliyyət istiqamətində atılmış uğurlu addım olduğunu, əməkdaşlığın genişlənməsinə təkan verəcəyini bildiriblər.
Sonda AMEA ilə DGK arasında anlaşma memorandumu imzalanıb. Sənəddə gömrük işi ilə əlaqədar elmi tədqiqat aparan, habelə müvafiq ixtisaslar üzrə təhsil alan magistrant, doktorant və dissertantlara şərait yaradılması, elmi araşdırmalar zamanı gömrük işi ilə əlaqədar müvafiq məlumatların daha asan və sürətli əldə olunmasına lazımi şərait yaratmaq məqsədilə informasiya texnologiyalarının tətbiqi imkanlarından geniş istifadə edilməsi və s. məsələlər yer alır.
Sənədi akademik Akif Əlizadə və gömrük xidməti general-leytenantı Səfər Mehdiyev imzalayıblar.




 
Bölməyə aid digər xəbərlər
23.04.2019
UFAZ-ın tələbələri Bakı Metropolitenində praktiki biliklərə yiyələnirlər
23.04.2019
“Azərbaycan dilinin Orfoqrafiya Normaları”
23.04.2019
Bakı Ali Neft Məktəbində SPM-in yeni qrupunun açılışı oldu
23.04.2019
Azərbaycan qalaları haqqında kitab nəşr edilib
23.04.2019
23 aprel – Dünya Kitab və Müəlliflik Hüququ Günüdür

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10758

1 Tarixin ibrət dərsləri...
2 Ramiz Mehdiyevin sərəncamı ilə tədbirlər planı təsdiqləndi
3 Azərbaycanlı həkim-yazıçı Rusiya Yazıçılar İttifaqına üzv olub
4 Ermənistanda daha 400-ə yaxın məmur işdən qovulacaq
5 Gülnar Səmanın kitabının təqdimatı keçiriləcək


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info