“Qətnamə kağız parçasından başqa bir şey deyil”
Tarix: 08.11.2018 | Saat: 19:01:00 | E-mail | Çapa göndər


“Erməni mətbuatında ABŞ-ın Los-Anceles Şəhər Şurasının qondarma “Artsaxın müstəqillik hərəkatı”nın 30 illiyi ilə əlaqədar qətnamə qəbul olunması ilə bağlı məlumatlar şişirdilərək ictimaiyyətə yanlış formada çatdırılır. Çünki sözügedən “qətnamə” Los-Anceles Şəhər Şurasının üzləri tərəfindən imzalanmayıb”. Bu fikirləri jurnalistlərə açıqlamasında Xarici İşlər Nazirliyinin mətbuat xidmətinin rəhbəri vəzifəsini icra edən Leyla Abdullayeva bildirib. Leyla Abdullayeva qeyd edib ki, bu, Şuranın yalnız bir erməni əsilli üzvü olan Pol Qriqoryan tərəfindən qəbul olunan fərdi qərardır. Fərdi qətnamə Şəhər Şurasında müzakirəyə çıxarılmır və səsverməyə qoyulmur. Yəni, bu, fərdi təşəbbüslə irəli sürülmüş bir “qərar”dır və həmin “sənəd” hər hansı hüquqi qüvvəyə malik deyil. Bu, bir erməni əsilli üzv tərəfindən irəli sürülən kağız parçasından başqa bir şey deyil. Azərbaycanın son vaxtlar beynəlxalq miqyasda qazandığı uğurlardan danışan Leyla Abdullayeva bildirib ki, Belçikanın Xarici İşlər Nazirliyi bu yaxınlarda açıqlama ilə çıxış edərək Dağlıq Qarabağ bölgəsinin Azərbaycanın ərazisi olduğunu bildirib: “Bir müddət əvvəl Almaniya da eyni mövqeyi sərgiləyib. Belə ki, bu ölkənin Bundestaqı Dağlıq Qarabağın Azərbaycanın ayrılmaz tərkib hissəsi olduğunu vurğulayıb. Bu ilin iyul ayında Prezident İlham Əliyevin Brüsselə səfəri çərçivəsində Azərbaycan ilə Avropa İttifaqı arasında “Tərəfdaşlıq prioritetləri” sənədi imzalanıb. Bu sənədlə Avropa İttifaqı Azərbaycanın müstəqilliyinə, suverenliyinə, ərazi bütövlüyünə və beynəlxalq sərhədlərinin toxunulmazlığına sadiq qaldığını bir daha bəyan edib. Digər tərəfdən, ABŞ rəsmilərinin səsləndirdikləri son bəyanatlarda Ermənistan-Azərbaycan Dağlıq Qarabağ münaqişəsinin BMT Təhlükəsizlik Şurasının 4 qətnaməsi əsasında həllinə dəstək ifadə olunub”. L.Abdullayeva qeyd edib ki, səsləndirilən bütün bəyanatlar, imzalanan sənədlər ölkəmizin Ermənistan-Azərbaycan Dağlıq Qarabağ münaqişəsinin həlli ilə bağlı tutduğu mövqeyə beynəlxalq ictimaiyyətin artan dəstəyinin bariz nümunəsidir. Əlbəttə ki, bunlar, ilk növbədə, Azərbaycan Prezidentinin rəhbərliyi altında həyata keçirilən xarici siyasətin uğurlarıdır.




 
Bölməyə aid digər xəbərlər
17.01.2019
Ukraynada yaşayan azərbaycanlı prezidentliyə namizədlik üçün sənədlərini MSK-ya təqdim edib
16.01.2019
Ahmet Gencehan Babiş: “Türkiyənin Azərbaycanın razı olmayacağı bir işdə olması mümkün deyil”
16.01.2019
Aleksandr Duqin: Rusiya Azərbaycanla daha çox yaxınlaşır
16.01.2019
İdarəetmədə sistemli islahatlar: struktur yeniliklərində növbəti mərhələ
16.01.2019
XİN Azərbaycan və Ermənistan xarici işlər nazirlərinin Paris görüşünə dair açıqlama yayıb

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10562

1 Xocalı tarixi və mədəniyyəti
2 Ukraynada oxucuların rəğbətini qazanan azərbaycanlı yazıçı
3 Struktur dəyişiklikləri dövlət idarəçiliyinin təkmilləşdirilməsini nəzərdə tutur
4 Azərbaycanın qonşu ölkələrlə əlaqələri yüksək səviyyədədir
5 Çingiz Bayramov: “Azərbaycan bölgənin inkişaf etmiş ölkəsinə çevrilib”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info