Azərbaycanın Dövlət Bayrağı Günü Poltavada qeyd edilib
Tarix: 09.11.2018 | Saat: 16:51:00 | E-mail | Çapa göndər



Ukraynanın Poltava şəhərində 9 noyabr - Azərbaycanın Dövlət Bayrağı Gününə həsr olunmuş tədbir keçirilib.

AZƏRTAC xəbər verir ki, Azərbaycanın Ukraynadakı səfirliyinin və Poltova şəhərindəki fəxri konsulluğunun birgə təşkilatçılığı ilə keçirilən bayram tədbiri Azərbaycan və Ukraynanın dövlət himnlərinin sədaları ilə başlayıb.
Yüz il bundan əvvəl Şərqdə ilk demokratik respublikanın yaranma tarixindən bəhs edən Azərbaycanın Ukraynadakı səfiri Azər Xudiyev bildirib ki, Prezident İlham Əliyevin Sərəncamı ilə Dövlət Bayrağı Gününün təsis olunması dövlətimizin başçısının tarixi irsə sahib çıxmasının bariz nümunəsidir. Son illər müstəqil Azərbaycan dövlətinin inkişaf edərək dünyanın aparıcı ölkələri arasında böyük nüfuz sahibinə çevrildiyini bildirən səfir zəfər bayrağımızın tezliklə Şuşada, Laçında, Kəlbəcərdə və işğal altında olan digər torpaqlarımızda dalğalanacağına əminliyini ifadə edib.
Bayraq Gününün 100 illiyi münasibətilə tədbirə qatılanları təbrik edən Azərbaycanın Poltavadakı fəxri konsulu Elşən Vəliyev çıxışında qeyd edib ki, ölkəmiz müstəqilliyini bərpa etdikdən sonra Azərbaycanın dövlət bayrağı milli suverenliyin simvolu kimi bütün vətəndaşlarımız üçün müqəddəs dövlətçilik rəmzlərindən birinə çevrilib. Azərbaycan Xalq Cümhuriyyətinin yadigarı olan bu bayraq xalqımızın azadlıq məfkurəsinə, milli-mənəvi dəyərlərə və ümumbəşəri ideallara sadiqliyini nümayiş etdirir.
Poltava vilayətinin deputatı Fəxrəddin Muxtarov müstəqilliyimizin rəmzi olan üçrəngli bayrağımızın dünyanın müxtəlif ölkələrində yaşayan 50 milyondan çox azərbaycanlının qürur mənbəyinə çevrildiyini vurğulayıb. Fərəhləndirici haldır ki, tarixi Vətənimiz Azərbaycan sosial-iqtisadi inkişaf tempinə görə bölgənin lider dövlətinə çevrilib. Prezident İlham Əliyevin rəhbərliyi ilə Qərblə Şərqi birləşdirən beynəlxalq iqtisadi layihələrin gerçəkləşdirilməsi Azərbaycanı daha parlaq gələcəyə aparır.
Tədbirdə üçrəngli bayrağımızın yaranma tarixini özündə əks etdirən sənədli film nümayiş etdirilib. Bayram şənliyi Azərbaycanın və Ukraynanın tanınmış incəsənət ustalarının konsert proqramı ilə davam etdirilib.




 
Bölməyə aid digər xəbərlər
19.04.2019
PA rəsmisi: “Erməni saxtakarlığı nasizmin bir qoludur, Ermənistanda nasizm qalib gəlib”
19.04.2019
Azərbaycanın Birinci vitse-prezidentinin köməkçisi ABŞ-Azərbaycan Ticarət Palatasının üzvləri ilə görüşüb
19.04.2019
AXCP böhtanlara görə ReAl-dan niyə üzr istəmədi?
19.04.2019
Deputat: “Bu fərman məhkəmə-hüquq sisteminin inkişafında yeni mərhələnin başlanacağına böyük ümid yaradır”
19.04.2019
Zakir Həsənov HHQ-nin təlim-məşq mərkəzinin açılışında iştirak edib

Şərh əlavə olunmayıb

    ,    
Fuad HÜSEYNZADƏ
Esmira Məmmədova
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10752

1 Erməni yoxsa türk qırğını?
2 Müharibə veteranlarına Prezident təqaüdü təsis edilib
3 Hemilton “Formula-1“ tarixinin 1000-ci yarışının qalibi olub
4 Ramiz Mehdiyevin sərəncamı ilə tədbirlər planı təsdiqləndi
5 Azərbaycanlı həkim-yazıçı Rusiya Yazıçılar İttifaqına üzv olub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info