Gömrük əməkdaşları üçün seminar təşkil edilib
Tarix: 13.11.2018 | Saat: 16:46:00 | E-mail | Çapa göndər


Noyabrın 13-də Azərbaycan Xalça Muzeyində "Mədəni sərvətlərin, xüsusilə də saxta xalça məhsullarının qanunsuz idxalının və ixracının qarşısının alınması" mövzusunda seminar keçirilib. Seminar Dövlət Gömrük Komitəsinin əməkdaşları üçün nəzərdə tutulub.
Tədbirin açılış mərasimində giriş sözü ilə çıxış edən Azərbaycan Xalça Muzeyinin direktoru Şirin Məlikova iştirakçılara muzeyin fəaliyyət istiqamətləri haqqında məlumat verib, muzeyin yaranma tarixi və sərgilənən eksponatlar barəsində danışıb.
Dövlət Gömrük Komitəsi Gömrük-Sərhəd Buraxılış Məntəqələrinin İşinin Təşkili Baş İdarəsinin rəisi Şahin Ələsgərov seminarın təşkilinə görə Azərbaycan Xalça Muzeyinin rəhbərliyinə təşəkkür edib.
Bildirilib ki, Prezident İlham Əliyevin 28 fevral 2018-ci il tarixli sərəncamı ilə təsdiq edilən "Azərbaycan Respublikasında xalça sənətinin qorunmasına və inkişaf etdirilməsinə dair 2018-2022-ci illər üçün Dövlət Proqramı" əsasında Dövlət Gömrük Komitəsinin üzərinə böyük öhdəliklər düşür. Bu öhdəliklərdən biri də Azərbaycan xalçası adı altında xaricdə istehsal edilən saxta xalçaların ölkəmizə idxalının və satışının qarşısının alınmasıdır.
Şahin Ələsgərov diqqətə çatdırıb ki, qaçaqmalçılar bəzən Azərbaycan brendi adı altında başqa ölkənin xalçalarını, bəzən də qədim yerli xalçaları yeni xalça kimi sərhəddən keçirməyə cəhd edirlər. Bu cəhdlərin qarşısının qətiyyətlə alınması üçün gömrükçülər orijinal Azərbaycan xalçalarını başqa ölkələrdə istehsal edilən, yaxud saxta xalçalardan ayırd etməyi bacarmalıdır. Bu səbəbdən Komitə rəsmisi müvafiq seminarların gömrük əməkdaşlarının peşə bacarıqlarının və bilik səviyyəsinin artırılması üçün vacib olduğunu vurğulayıb.
Sonra seminar başlayıb.
Seminarda"Azərbaycan Respublikasında xalça sənətinin qorunmasına və inkişaf etdirilməsinə dair 2018-2022-ci illər üçün Dövlət Proqramı"nın icrası, Azərbaycan xalçaçılıq sənətinin tarixi, inkişafı və dünya mədəniyyətinə təsiri, Azərbaycan xalçası UNESCO-nun qeyri-maddi mədəni irs siyahısında, "Azərbaycan Respublikasının milli mədəniyyət əmlakının Dövlət Siyahısına daxil olan daşınar mədəni sərvətlərin Azərbaycan Respublikasının ərazisindən ixracı" və "Mühafizə olunan mədəni sərvətlərin siyahısına daxil edilməyən mədəniyyət məhsullarının ixracı" mövzularında bilgi verilib, müzakirələr aparılıb.
Eyni zamanda, seminar iştirakçılarına Azərbaycan xalçaçılıq məktəblərinin xalça nümunələri ilə əyani tanışlıq imkanı yaradılıb.

Tural




 
Bölməyə aid digər xəbərlər
19.05.2019
İyunun 1-də uşaqlar üçün musiqili-tamaşa təqdim olunacaq
19.05.2019
Vəkillər Kollegiyasının sədri IX Beynəlxalq Hüquq Forumunda iştirak edib
18.05.2019
Daşkənddə “ASAN xidmət”in fəaliyyəti haqqında məlumat verilib
17.05.2019
Ali Məhkəmənin sədri və kollegiya sədrləri bölgələrdə vətəndaşları qəbul ediblər
17.05.2019
Binəqədidə sakinlərin problemləri müzakirə olunub

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10782

1 “Ukraynanın ictimai-siyasi həyatında fəal iştirak edirik”
2 General-mayor Tərlan bəy Əliyarbəyovun nəvəsi: “Babam öz istedadını milli hərbi kadrların yetişməsinə sərf edib”
3 “İş yerlərində təhlükəsiz əmək şəraiti yaratmaq lazımdır”
4 Dünya rəssamları arasında yer alan azərbaycanlı
5 AzMİU-da İmadəddin Nəsiminin 650 illik yubileyi qeyd olunub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info