Jan-Klod Yunkerin xələfi olmağa ən şanslı namizəd kimdir?
Tarix: 14.11.2018 | Saat: 01:23:00 | E-mail | Çapa göndər



Gələn ilin mayında Avropa Parlamentinə keçiriləcək seçkilər yaxınlaşdıqca Avropa Komissiyasının prezidenti postuna ən iddialı namizədin kim olacağı məsələsi da aktuallaşır.

AZƏRTAC xəbər verir ki, Avropa Xalq Partiyası ötən həftə Helsinki şəhərində keçirilən toplantısında alman siyasətçi Manfred Veberi seçkilərdə vahid namizəd kimi təsdiqləyib. Lakin bu, seçkilərdən sonra Komissiya rəhbəri və onun komandası ilə bağlı sualların sayını azaltmır.
2014-cü ildə Avropada konservativ partiya və siyasi qüvvələri ətrafında birləşdirən Avropa Xalq Partiyası seçkilərdə qalib gəldikdən sonra (751 mandatdan 214-ü) sosial-demokratların da dəstəyi ilə bu partiyaya mənsub olan lüksemburqlu siyasətçi Jan-Klod Yunker Avropa Komissiyasına prezident seçildi. Xatırladaq ki, 2009-cu il Lissabon müqaviləsinə əsasən, seçkilərdə qalib gələn siyasi qüvvənin əsas namizədi komissiya prezidenti seçilir.
Avropada liberal qüvvələr əsas namizəd sistemini rədd etsələr də, növbəti seçkilərdə hansı namizədi dəstəkləyəcəkləri hələ ki, bəlli deyil. Avropa naminə Liberallar və Demokratların Alyansı (ALDE) əsas namizəd sistemi əvəzinə, seçkilərdə namizədlərin komanda halında qatılmasından imtina ediblər və seçicilərin bir şəxsə deyil, bəlli bir ictimai-siyasi görüşü paylaşan vahid siyasi komandaya səs verməli olduğunu açıqlayıblar. Digər siyasi qüvvələr üçün keçərli olmasa da, ALDE seçkilərə komanda şəklində qatılmaq barədə qərar qəbul edib.
Sağçı-radikal partiyaların seçimi isə artıq məlumdur. İtaliyanın daxili işlər naziri Matteo Salvini seçkilərədək sağçı təmayüllü partiyalardan ibarət alyans quracağını elan edib. Fransa, Avstriya və Niderlandın sağçı partiyaları artıq belə bir alyansın qurulmasında maraqlı olduqlarını açıqlayıblar.
Avropa Parlamentində Avropa Xalq Partiyası fraksiyasının dəstəyinə güvənən Manfred Veber (Helsinkidə nümayəndələrin 80 faizi onun namizədliyini dəstəkləyib) seçki kampaniyasında özünü “körpü qurucusu” kimi gördüyünü və qalib gələcəyi təqdirdə Avropanın region və siyasi düşərgələri arasında birləşdirici rol oynayacağını vurğulayıb. Onun eyni fraksiyaya mənsub olduğu Macarıstanın Baş naziri Viktor Orbanla gərgin münasibəti isə seçkilərə gedən yolda kifayət qədər “daş-kəsəy”in olacağına işarə edir. Bununla yanaşı, Komissiya prezidentinin seçilməsində Paris və Berlin arasında seçkilər öncəsi razılaşma əldə edilməsi də zəruridir. Avropa əhalisinin əksəriyyətini təmsil edən bu iki ölkə növbəti beş ildə Avropanın müqəddəratını idarə edən şəxslərin müəyyənləşdirilməsində söz sahibi olmaqdan vaz keçməyəcəklər.




 
Bölməyə aid digər xəbərlər
20.05.2019
Madrid və Barselonada metro işçiləri tətil edir
20.05.2019
Həsən Ruhani ABŞ Prezidentinin dialoq təklifinə cavab verib
20.05.2019
Ukraynanın Baş naziri istefa verib
20.05.2019
Parisdə yollar bağlandı - Taksi və təcili yardım sürücüləri tətil edir
20.05.2019
Çində gecə klubunun çökməsi nəticəsində 2 nəfər ölüb, 77 nəfər yaralanıb

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10784

1 “İş yerlərində təhlükəsiz əmək şəraiti yaratmaq lazımdır”
2 “Ukraynanın ictimai-siyasi həyatında fəal iştirak edirik”
3 General-mayor Tərlan bəy Əliyarbəyovun nəvəsi: “Babam öz istedadını milli hərbi kadrların yetişməsinə sərf edib”
4 Üç müharibə iştirakçısı olan general-mayor
5 Şuranın dəstəyilə 13 saylı orta məktəbdə “Diaspor dərsi” keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info