Yevdaçenko: “Azərbaycan Belarusun ən mühüm tərəfdaşlarından biridir”
Tarix: 14.11.2018 | Saat: 12:20:00 | E-mail | Çapa göndər


Azərbaycan-Belarus diplomatik münasibətlərinin qurulmasının 25 illiyinə həsr olunan konfrans

Azərbaycanın Belarusdakı səfirliyi Azərbaycan ilə Belarus arasında diplomatik münasibətlərin qurulmasının 25 illiyinə həsr olunmuş konfrans keçirib.
Səfirlikdən verilən məlumata görə, konfransda əsas qonaq qismində iştirak edən Belarus parlamentinin yuxarı palatasının sədr müavini Marianna Şyotkina, parlamentin aşağı palatasının sədr müavini Boleslav Pirştuk, Belarus xarici işlər nazirinin birinci müavini Andrey Yevdaçenko çıxış ediblər. Bundan başqa, tədbirdə Tacikistan, Türkmənistan, Özbəkistan, Qırğızıstan, Qazaxıstan və Ukraynanın Belarusdakı səfirləri, Rusiyanın MDB yanında daimi nümayəndəsi, MDB İcraiyyə Komitəsi sədrinin birinci müavini, Belarusun aparıcı universitetlərinin rektorları, elm və mədəniyyət xadimləri, ictimaiyyətin nümayəndələri iştirak ediblər.
Tədbiri açan səfir Lətif Qəndilov Belarusun yüksək səviyyəli dövlət və hökumət nümayəndələrinin konfransda iştirakını ölkəmizə olan böyük hörmətin, diqqətin nümunəsi kimi xarakterizə edib. O, dövlət başçıları arasında olan şəxsi dostluq münasibətlərini ikitərəfli əlaqələrdə mühüm amil kimi qiymətləndirərək bu münasibətlərin dövlətlərarası əməkdaşlığa nümunə olduğunu söyləyib. Səfir qeyd edib ki, hər iki dövlət başçısı müdriklikləri sayəsində keçid dövrünün çətinliklərini aradan qaldıraraq ölkələrimizi dünyada hörmətə layiq olan dövlətlərə çevirib və ikitərəfli münasibətləri strateji tərəfdaşlıq səviyyəsinə qaldırıb.
Belarus Milli Məclisinin Respublika Şurasının sədr müavini M.Şyotkina və Belarus Milli Məclisinin Nümayəndələr Palatasının sədr müavini B.Pirştuk öz çıxışlarında dövlətlərimiz arasında bütün sahələrdə əlaqələrin, o cümlədən parlamentlərarası münasibətlərin yüksək səviyyədə olduğunu qeyd ediblər.
Xarici işlər nazirinin birinci müavini A.Yevdaçenko qeyd edib ki, Azərbaycan Belarusun ən mühüm tərəfdaşlarından biridir. O, Azərbaycan xalqının ümummilli lideri Heydər Əliyev tərəfindən təməli qoyulmuş ikitərəfli münasibətləri Prezident İlham Əliyevin uğurla davam etdirdiyini vurğulayıb. Nazirin birinci müavini Belarus ilə Azərbaycan arasında uzunmüddətli səmərəli tərəfdaşlıq münasibətlərinin qurulduğunu qeyd edərək, Azərbaycan Prezidentinin Belarusa gözlənilən səfərinin ikitərəfli münasibətlərimizə böyük töhfə verəcəyini söyləyib.
Tədbirdə, həmçinin diplomatik münasibətlərin qurulmasının 25 illiyi ilə əlaqədar səfirlik tərəfindən “Azərbaycan Respublikası və Belarus Respublikası arasında diplomatik münasibətlərin qurulmasının 25 ili” kitabının və gümüş xatirə nişanının təqdimatı olub. Səfir L.Qəndilov Azərbaycan ilə Belarus arasında münasibətlərin inkişafında xidmətlərinə görə Belarusun Azərbaycanda ilk səfiri olmuş Nikolay Patskeviçi, xarici işlər nazirinin birinci müavini Andrey Yevdaçenkonu və Belarus parlamentində Belarus-Azərbaycan dostluq qrupunun rəhbəri, parlamentin milli təhlükəsizlik üzrə daimi komissiyasının sədri Valentin Mixneviçi gümüş xatirə nişanı ilə təltif edib. Qeyd edək ki, 25 illik xatirə nişanı ilə Azərbaycan və Belarus arasında münasibətlərin inkişafında xidmətlərinə görə Azərbaycanın və Belarusun digər dövlət və hökumət nümayəndələri də təltif olunacaqlar.
Tədbirdən sonra konfrans iştirakçıları üçün qəbul təşkil edilib.

Tural




 
Bölməyə aid digər xəbərlər
19.02.2019
Moskvada Azərbaycanın Rusiyadakı səfirinin Çeçenistanın məsul nümayəndələri ilə görüşü olub
19.02.2019
YAP Pirallahı rayon təşkilatı sədrinin 2018-ci ilin yekunlarına və qarşıda duran vəzifələrə dair hesabatı
19.02.2019
İqtidarın qazandığı hər bir uğur müxalifətin siyasi iflasını sürətləndirir
19.02.2019
Fərid Şəfiyev Beynəlxalq Münasibətlərin Təhlili Mərkəzinin sədri təyin edildi - səfir vəzifəsindən geri çağırıldı
18.02.2019
İbrahim Öztek: “Xocalı soyqırımı nankor bir cəmiyyətin xəyanətkar hücumunun son halqasıdır”

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10605

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 Milli qəhrəmanlara və şəxsiyyətlərə hücum savaşın tərkib hissəsidir
3 “Əsas oxucu kütləsi sayılan gənclər bu gün internet mediaya daha çox üstünlük verirlər”
4 Qabaqcıl texnologiyalar dövründə ənənəvi və internet medianın inkişafı
5 ABŞ-da atışma: xəsarət alanlar var


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info