Türkiyə səfiri Erkan Özoral Aİİ-ni ziyarət edib
Tarix: 14.11.2018 | Saat: 13:39:00 | E-mail | Çapa göndər


Türkiyənin Azərbaycandakı Fövqəladə və Səlahiyyətli Səfiri Erkan Özoral Azərbaycan İlahiyyat İnstitutunu (Aİİ) ziyarət edib.
Aİİ-nin rektoru Ceyhun Məmmədov səfiri salamlayaraq, ölkələrimiz arasındakı münasibətlərin yüksək səviyyədə olduğunu qeyd edib. İnstitut haqqında səfirə geniş məlumat verən rektor Aİİ-nin beynəlxalq əlaqələrin qurulmasına, Türkiyə universitetləri ilə əməkdaşlığa böyük önəm verdiyini bildirib.
Aİİ rəhbərliyinə təşəkkürünü bildirən səfir Erkan Özoral səslənən təklifləri müsbət qarşıladığını söyləyib, əlaqələrin qurulması üçün mühüm addımlar atılmasının vacibliyindən danışıb, münasibətlərin daha yüksək səviyyəyə çatması üçün əlindən gələni etməyə hazır olduğunu vurğulayıb.
Daha sonra səfir Aİİ-nin tələbələri ilə görüşüb. Görüş zamanı Aİİ rektoru bildirib ki, hazırda Azərbaycanla Türkiyə arasında siyasi, iqtisadi əlaqələr, elm, təhsil, mədəniyyət və digər sahələrdə də əməkdaşlıq yüksək səviyyədədir. İki dövləti, həm də strateji maraqların birləşdirdiyini vurğulayan rektor bu əlaqələrin yüksək səviyyəyə qalxmasında Ümummilli Lider Heydər Əliyevin müstəsna xidmətlərinin olduğunu bildirib. C.Məmmədov qeyd edib ki, Azərbaycan respublikasının Prezidenti cənab İlham Əliyev Türkiyə ilə münasibətlərin inkişafı istiqamətində ardıcıl və məqsədyönlü tədbirlər həyata keçirir.
Səfir Erkan Özoral Türkiyə-Azərbaycan münasibətlərinə toxunaraq ulu öndər Heydər Əliyevin “Bir millət – iki dövlət” sözlərini xatırladıb, iki ölkə arasında münasibətlərin yüksələn xətlə inkişafından məmnunluğunu ifadə edib. Türkiyə-Azərbaycan dostluq və qardaşlıq əlaqələrinin inkişafının böyük əhəmiyyətə malik olduğunu, tarixi köklərə söykəndiyini, eyni millətə, eyni dilə, eyni dinə sahib olan iki xalq arasındakı qardaşlıq münasibətinin əsrlər boyu yaşadığını və bu əlaqələrin hazırda daha da zənginləşdiyini, yeni səviyyəyə yüksəldiyini bildirib.
Tədbirin sonunda tələbələri maraqlandıran suallar cavablandırılıb.

Tural




 
Bölməyə aid digər xəbərlər
19.02.2019
BSU tələbələri istehsalat təcrübəsinə başlayıb
19.02.2019
UNEC-dən professor-müəllim heyətinin təkmilləşdirilməsi ilə bağlı növbəti addım
19.02.2019
Bakı Ali Neft Məktəbində “PMI Azerbaijan 2019” sammiti keçirilib
19.02.2019
ADPU-da pedaqoji təcrübənin başlanmasına həsr olunmuş konfranslar keçirilib
19.02.2019
Təqaüdlərin artırılması təhsil alan gənclərin daha yaxşı yaşamasına istiqamətlənib

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10605

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 Milli qəhrəmanlara və şəxsiyyətlərə hücum savaşın tərkib hissəsidir
3 “Əsas oxucu kütləsi sayılan gənclər bu gün internet mediaya daha çox üstünlük verirlər”
4 Qabaqcıl texnologiyalar dövründə ənənəvi və internet medianın inkişafı
5 ABŞ-da atışma: xəsarət alanlar var


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info