Aİİ-də “İslam ənənəsində mötədillik” mövzusunda seminar keçirilib
Tarix: 14.11.2018 | Saat: 15:44:00 | E-mail | Çapa göndər


Azərbaycan İlahiyyat İnstitutu (Aİİ) 14 noyabr 2018-ci il tarixdə "İslam ənənəsində mötədillik" mövzusuna həsr olunmuş seminar keçirib.
Tədbirdə İnstitut rəhbərliyi, müəllim heyəti, tələbələr və ictimaiyyət nümayəndələri iştirak ediblər.
Seminarı Aİİ-nin kafedra müdiri, ilahiyyat üzrə fəlsəfə doktoru Əhməd Niyazov açaraq bildirib ki, zəngin dünyagörüşə, dərin dini və dünyəvi biliklərə, yüksək intellektə malik kadrların hazırlanması məqsədilə Aİİ-nin müxtəlif mövzularda təşkil etdiyi “dəyirmi masa”lar, seminarlar, treninqlər və görüşlərin xüsusi əhəmiyyəti vardır. Ə.Niyazov mövzunun aktuallığına toxunaraq, dinlərin ifrata qarşı olduğunu, insanlara ibadətlərində, danışıq və davranışlarında orta yol tutmağı tövsiyə etdiyini bildirib.
“İpək yolu” nəşriyyatının müdir müavini, Bakı İslam Universitetinin müəllimi, tarix üzrə fəlsəfə doktoru Abbas Qurbanov məruzəsində qeyd edib ki, tarix boyu bütün dinlər, ideologiyalar və fəlsəfi cərəyanlar nümunəvi insan modelini formalaşdırmağa çalışıblar. Bununla yanaşı, cəmiyyətdə dini tolerantlığın, sosial-siyasi ədalətin, sabitliyin təşəkkülü və qorunması üçün məhz mötədillik şüurunun mənimsənilməsi istiqamətində çoxsaylı elmi tədqiqat əsərləri yazılıb.
Məruzəçi islamın çətinləşdirməyi tövsiyə etmədiyini; nifrəti bəyənmədiyini; zorakılığa “yox” dediyini; bəşəriyyəti sülhə və əmin-amanlığa çağırdığını; təəssübkeşliyi yox, tolerantlığı təbliğ etdiyini xüsusi vurğulayıb.
A.Qurbanov insan davranışları və əxlaq fəlsəfəsi baxımından əhəmiyyət kəsb edən mövzunun islam mütəfəkkirlərinin də diqqət mərkəzində olduğunu bildirib.
Tədbir mövzu ətrafında müzakirələrlə davam edib.

Tural




 
Bölməyə aid digər xəbərlər
19.02.2019
BSU tələbələri istehsalat təcrübəsinə başlayıb
19.02.2019
UNEC-dən professor-müəllim heyətinin təkmilləşdirilməsi ilə bağlı növbəti addım
19.02.2019
Bakı Ali Neft Məktəbində “PMI Azerbaijan 2019” sammiti keçirilib
19.02.2019
ADPU-da pedaqoji təcrübənin başlanmasına həsr olunmuş konfranslar keçirilib
19.02.2019
Təqaüdlərin artırılması təhsil alan gənclərin daha yaxşı yaşamasına istiqamətlənib

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10605

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 Milli qəhrəmanlara və şəxsiyyətlərə hücum savaşın tərkib hissəsidir
3 “Əsas oxucu kütləsi sayılan gənclər bu gün internet mediaya daha çox üstünlük verirlər”
4 Qabaqcıl texnologiyalar dövründə ənənəvi və internet medianın inkişafı
5 ABŞ-da atışma: xəsarət alanlar var


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info