“Kaspersky Lab” Avropa istifadəçilərinin məlumatlarının emalına başlayıb
Tarix: 16.11.2018 | Saat: 13:17:00 | E-mail | Çapa göndər


“Kaspersky Lab” Avropa istifadəçilərinə daxil olan zərərverici və şübhəli faylların Sürixdə emalına başlayıb və elə həmin şəhərdə ilk şəffaflıq mərkəzini açıb. Bu, “Kaspersky Lab”ın 2017-ci ilin oktyabr ayında elan etdiyi miqyaslı layihənin – informasiya şəffaflığı üzrə qlobal təşəbbüsün icrasında mühüm bir addımlardır. Sözügedən layihə hətta fərziyyələrə əsaslanan risklərə qarşı şirkətin İT-infrastrukturunun dayanıqlığının artırılmasına və bütün prosesləri cari və gələcək müştərilər, həmçinin, geniş ictimaiyyət üçün daha şəffaf etməyə hədəflənib.
“Kaspersky Lab” istifadəçiləri könüllü şəkildə “Kaspersky Security Network” (KSN) bulud infrastrukturu ilə məlumatlarını paylaşa bilər. Noyabrın 13-dən etibarən isə bu məlumatların bir hissəsi, əsasən də şübhəli və əvvəllər məlum olmayan zərərverici fayllar, həmçinin, avtomatik təhlil üçün şirkətin Avropa istifadəçilərindən aldığı müvafiq metaməlumatlar İsveçrədəki məlumatların emalı üzrə iki mərkəzdə emal olunur. Məlumatların emalı üzrə əlavə infrastrukturun yaradılması prosesi gözləndiyi kimi 2019-cu ilin sonunda tam başa çatacaq. Digər məlumatlar isə, o cümlədən təhdidlərin məsuliyyətsizləşdirilmiş statistikası, sözügedən qlobal təşəbbüsün növbəti mərhələlərinin icrası zamanı Sürixdə emal olunacaq.
Bundan başqa, “Kaspersky Lab” Sürixdə özünün ilk şəffaflıq mərkəzini açıb. Bu struktur çərçivəsində etibarlı tərəfdaşlar və hökumət təşkilatlarına şirkətin məhsullarının mənbə kodunu yoxlamaq təklif olunur. Bundan başqa, onlar virus siqnaturalarının məlumat bazasına, proqram təminatının yenilənmələrinə, proqram təminatının təhlükəsiz hazırlanması üzrə sənədlərə və digər vacib materiallara çıxış əldə edəcəklər. Şəffaflıq mərkəzi xarici auditin və şirkətin mənbə kodunun qiymətləndirilməsinin aparılmasına, həmçinin, təhlükəsiz və rahat mühitdə xüsusilə bunun üçün yaradılmış texniki sənədlərin öyrənilməsinə imkan yaradacaq.
Şəffaflıq və Avropa istifadəçilərinin məlumatlarının emalı mərkəzlərinin açılışından sonra “Kaspersky Lab”ın növbəti planı analoji mərkəzlərin digər regionlarda da yaratmaq, həmçinin, Sürixdə Avropa, ABŞ və başqa ölkələrdə olan istifadəçilər üçün proqram təminatının kompilyasiyasını həyata keçirməyə imkan verən infrastruktur qurmaqdırdır.
Müstəqil reytinqlərə əsasən, İsveçrə müdafiə olunan internet-serverlərin sayına görə dünya liderləri sırasındadır. Bu ölkənin İT-infrastrukturu və məlumatların emalı mərkəzləri qlobal səviyyədə ən yüksək etibar qazanıb. Avropanın “ürəyində” yerləşən, bununla belə, Avropa İttifaqına üzv olmayan İsveçrə məxfi məlumatların tənzimlənməsi üzrə ölkə Konstitusiyası və federal qanunlar tərəfindən zəmanət verən şəxsi siyasətini formalaşdırıb. Bundan başqa, ölkədə hakimiyyət orqanları tərəfindən daxil olan elektron məlumatların alınmasına dair sorğuların emalı prosedurunu tənzimləyən sərt qaydalar qüvvədədir.
“İT-sənayedə şəffaflıq təşəbbüsü artıq yeni normaya çevrilir, əsasən də kibertəhlükəsizlik sahəsində. Biz bu prosesdə ön mövqedə olmağımızdan qürurlanırıq və istifadəçilərimizin məlumatlarınını müdafiəsinə və məhsullarımızın etibarlılığına ciddi yanaşırıq. İsveçrədə istifadəçi məlumatlarının emalı və proqram təminatının hazırlanmasına dair əlavə infrastrukturun yaradılması bunun bariz nümunəsidir. İnformasiya açıqlılığı üzrə qlobal təşəbbüsümüz çərçivəsində verdyimiz vədlər artıq uğurla yerinə yetirilir. Biz ekspertləri və hökumət təşkilatlarını məhzullarımızla (mənbə kodu, proqram yenilənmələri və digər texniki sənədlərlə) tanış olmaq üçün Sürixdəki yeni şəffaflıq mərkəzinə dəvət edirik. Hesab edirik ki, bu cür addımlar həm şirkət, həm də ümumiyyətlə bu sahə üçün hələ başlanğıcdır. Məhsulların etibarlılığını təsdiq etmək zərurəti tezliklə sənaye standartlarına çevriləcək”, - deyə “Kaspersky Lab”ın baş direktoru Yevgeni Kasperski bildirib.
“Kaspersky Lab”ın şəffalıq prinsipləri və informasiya açıqlılığı təşəbbüsü barədə daha ətraflı linkdə:
https://www.kaspersky.ru/about/transparency.

Tural




 
Bölməyə aid digər xəbərlər
11.12.2018
“Bakcell”dən möhtəşəm Yeni İl hədiyyəsi: 20 qiqabayta qədər pulsuz internet
11.12.2018
Respublika Veteranlar Təşkilatının VIII plenumu keçirilib
11.12.2018
DTX-nın şəxsi heyəti ulu öndər Heydər Əliyevin xatirəsini yad edib
11.12.2018
Qaradağda Ulu Öndərin anım gününə həsr olunmuş tədbir keçirildi
11.12.2018
Heydər Əliyevin anım gününə həsr olunmuş tədbir keçirilib

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10524

1 “Macarıstandakı Azərbaycan icmasının böyük əksəriyyətini gənclər təşkil edir”
2 Prezident İlham Əliyev Putinin dəvəti ilə Rusiyaya işgüzar səfərə gedib- YENİLƏNİB
3 Türkiyədə yeni Azərbaycan diaspor təşkilatı qeydiyyatdan keçib
4 “Özümü qərib ölkədə hiss etmədim”
5 Çin şirkəti Gəncədə 5 metallurgiya zavodu tikəcək


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info