Daşkənddə Xalq artisti Firudin Səfərovun 85 illiyi qeyd edilib
Tarix: 20.11.2018 | Saat: 15:21:00 | E-mail | Çapa göndər


Özbəkistanda Azərbaycan və Özbəkistanın Xalq artisti, dövlət mükafatı laureatı, Əlişir Nəvai adına Özbəkistan Dövlət Opera və Balet Teatrının baş rejissoru, Firudin Səfərovun 85 illiyi geniş qeyd edilib.
Bu məqsədlə Opera və Balet Teatrında təşkil olunan möhtəşəm yubiley tədbirində Özbəkistanın dövlət nümayəndələri, mədəniyyət, incəsənət sahəsində tanınmış simaları, Azərbaycan səfirliyinin, Heydər Əliyev adına Mədəniyyət Mərkəzinin əməkdaşları, yerli azərbaycanlılar fəal iştirak ediblər.
Özbəkistan Mədəniyyət Nazirliyinin nümayəndəsi Müqəddəs Axmedcanova və SSRİ Xalq artisti Yaqub Əhmədov Firudin Səfərovun həyat və yaradıcılığı haqqında danışaraq onun rejissor kimi 40 illik fəaliyyətinə nəzər salaraq Daşkənd teatrında ölməz əsərlər yaratdığını qeyd ediblər.
Firudin Səfərovu 85 illik yubileyi münasibətilə təbrik edən Azərbaycanın Özbəkistandakı səfiri Hüseyn Quliyev onun yarım əsrdən çoxdur ki, istedadlı opera rejissoru kimi öz parlaq istedadı ilə Azərbaycan və özbək xalqlarına xidmət etdiyini bildirib. Səfir vurğulayıb ki, tanınmış rejissor öz istedadı ilə xalqlarımız arasında sarsılmaz körpü yaradıb. Diplomat deyib ki, Firudin Səfərov dünya azərbaycanlılarının Bakıda keçirilmiş qurultaylarının iştirakçısı olduğunu və Azərbaycan Respublikasının Prezidenti cənab İlham Əliyevin müvafiq Sərəncamı ilə “Tərəqqi” medalına layiq görüldüyünü söyləyib.
Hüseyn Quliyev yubilyara səfirliyin fəxri fərmanı və “Qarabağ xanəndələri” albomumu təqdim edib.
Özbəkistandakı Respublika Azərbaycan Milli Mədəniyyət Mərkəzinin sədri Firdovsi Hüseynov F.Səfərovun rejissor kimi fəaliyyətindən danışıb, onun Özbəkistanda tanınmış azərbaycanlı kimi xüsusi xidmətlərini qeyd edib.
Sonra Firudin Səfərovun səhnələşdirdiyi Cüzeppe Verdinin “Aida” operası nümayiş etdirilib, tamaşa anşlaqla keçib.
Qeyd edək ki, Firudin Səfərov uzun illər Azərbaycan Dövlət Opera və Balet Teatrında çalışmış və bacarıqlı rejissor kimi çoxsaylı opera tamaşalarına quruluş vermişdir. Opera sənətimizə dahi Azərbaycan bəstəkarı Üzeyir Hacıbəyovun “Leyli və Məcnun”, “Koroğlu”, Vasif Adıgözəlovun “Natavan” operaları və başqa əsərlərlə silinməz izlər qoymuşdur.
Onun Özbəkistandakı fəaliyyəti dövlət tərəfindən daim yüksək qiymətləndirilmiş, Özbəkistan Dövlət Konservatoriyasında sənətkar yüzlərlə peşəkar kadrların hazırlanması və onların sənət aləmində uğur qazanmasına daim dəstək olub.

Tural




 
Bölməyə aid digər xəbərlər
10.12.2018
Azərbaycan ifaçısı Riqa musiqi festivalının Qran-pri mükafatına layiq görülüb
07.12.2018
“Kardeş kalemler” noyabr nömrəsini Mir Cəlal Paşayevin 110 illiyinə həsr edib
07.12.2018
2019-cu il MDB-də Kitab İli elan olunub
07.12.2018
Hüseyn Cavidin şeirləri qazax dilində çap olunub
07.12.2018
İsraildə azərbaycanlı rejissorların filminin təqdimatı olub

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10522

1 Türk Universiteti üçün Naxçıvanın seçilməsi əhəmiyyətli ola bilər
2 Emil Rasimoğludan yeni şeir
3 “Sondakika.com”: “Türkiyənin ən böyük xarici investoru olan SOCAR yeni layihə həyata keçirir”
4 Prezident İlham Əliyev Putinin dəvəti ilə Rusiyaya işgüzar səfərə gedib- YENİLƏNİB
5 Bakıda müəllimlərin beynəlxalq seminarı keçirilib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info