UNEC ilə Kiçik və Orta Biznesin İnkişafı Agentliyi əməkdaşlığa başlayır
Tarix: 21.11.2018 | Saat: 15:08:00 | E-mail | Çapa göndər


UNEC ilə Kiçik və Orta Biznesin İnkişafı Agentliyi (KOBİA) arasında əməkdaşlığa dair Anlaşma Memorandumu imzalanıb.
Memorandumun məqsədi tərəflər arasında faydalı əlaqələrin genişləndirilməsi, tələbələr arasında biznes ideyalarının formalaşdırılması, innovativ təşəbbüslərin yaradılması, biznes subyektlərinin maarifləndirilməsi olub. Sənəddə, UNEC-in elmi araşdırma mərkəzləri tərəfindən biznes üçün tədqiqat və təhlillərin aparılması barədə birgə fəaliyyət, müştərək layihələrin həyata keçirilməsi də əks olunub.
UNEC-in rektoru, professor Ədalət Muradov praktika ilə bağlı olmayan elmi araşdırmaların əhəmiyyətini itirdiyinə diqqət çəkərək, tələbələrin elmi biliklərlə yanaşı, praktiki vərdişlərə yiyələnməsinin, real bazar mühitinin tələblərinə cavab verən mütəxəssislərin hazırlanmasının vacibliyini qeyd edib.
Rektor UNEC-də tədrisin əmək bazarının tələbələrinə uyğunlaşdırılması, sahibkarlıq universiteti modelinin yaradılması və məzunların işlə təmin olunmasına hədəflənən “UNEC2B” platformasından da söz açıb. UNEC-in dövlət və korporativ qurumlarla faydalı əməkdaşlıq qurduğunu vurğulayan Ə.Muradov bu mənada KOBİA ilə də birgə fəaliyyətin səmərəli olacağını qeyd edib. Rektor UNEC-in KOBİA-nın “beyin mərkəzi” funksiyasını yerinə yetirməsi üçün lazımi potensiala sahib olduğunu bildirib.
Tədris və təlim imkanlarına toxunan rektor, universitetdə eyni zamanda 10 min tələbəyə onlayn təhsil verməyə qadir olan “UNEC Extern” mərkəzinin fəaliyyəti barədə də danışıb. Bildirib ki, iş adamları öz müəssisəsini tərk etmədən onları maraqlandıran sahə üzrə “UNEC Extern” mərkəzinin təlimlərinə qatıla bilərlər.
KOBİA-nin İdarə Heyətinin sədri Orxan Məmmədov sahibkarlıq ideyasının təbliği, sahibkarların maarifləndirilməsi, qabaqcıl dəstək modellərinin istifadə imkanlarının araşdırılması, ölkənin innovativ potensialının reallaşdırılmasında elm və tədris mərkəzləri ilə birgə fəaliyyətin vacibliyindən bəhs edib. KOBİA tərəfindən kiçik və orta biznes subyektlərinin dəstəklənməsinə yönəldilmiş model və mexanizmlərin hazırlandığını diqqətə çatdıran O.Məmmədov, bu prosesdə UNEC-in elmi araşdırma mərkəzlərinin potensialından istifadə etməkdə maraqlı olduqlarını vurğulayıb.
Tədbirdə kiçik və orta biznes subyektlərinin tələbatına uyğun olaraq, müvafiq ixtisaslar üzrə müasir təhsil proqramları, metodiki vəsaitlərin hazırlanması, o cümlədən tələbələrin praktiki biliklərinin artırılması istiqamətində birgə fəaliyyət göstəriləcəyi də bildirilib.

Anar




 
Bölməyə aid digər xəbərlər
19.05.2019
V Respublika fənn müsabiqələrinin ilk mərhələsi keçirilib
19.05.2019
II və III ixtisas qruplarının abituriyentləri üçün keçirilən qəbul imtahanı başa çatıb
19.05.2019
Şəkidə ali məktəblərə qəbul imtahanları dörd mərkəzdə aparılıb
19.05.2019
Şimal bölgəsinin 1500-ə yaxın məzunu biliyini Xaçmaz şəhərində yaradılan imtahan mərkəzlərində sınayıb
19.05.2019
Bu gün II və III ixtisas qrupları üzrə qəbul imtahanı keçirilir

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10782

1 “Ukraynanın ictimai-siyasi həyatında fəal iştirak edirik”
2 General-mayor Tərlan bəy Əliyarbəyovun nəvəsi: “Babam öz istedadını milli hərbi kadrların yetişməsinə sərf edib”
3 “İş yerlərində təhlükəsiz əmək şəraiti yaratmaq lazımdır”
4 Dünya rəssamları arasında yer alan azərbaycanlı
5 AzMİU-da İmadəddin Nəsiminin 650 illik yubileyi qeyd olunub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info