Suren Sarkisyan: “Azərbaycan KTMT ölkələri üçün Ermənistandan daha vacibdir“
Tarix: 23.11.2018 | Saat: 20:35:00 | E-mail | Çapa göndər


Rusiyanın “Cənubi Qafqaz Dəmir Yolları” Qapalı Səhmdar Cəmiyyəti bu il dekabrın 1-dən etibarən Qafqaz-Poti-Qafqaz xəttində müntəzəm trafiki müvəqqəti olaraq dayandıracağı barədə məlumat yayıb. Təbii ki, belə olan halda, Ermənistanı hansı aqibətin gözlədiyini təsəvvür etmək çətin deyil. 2019-cu ilin oktyabrından etibarən Gürcüstan hökuməti tərəfindən ölkə ərazisindən taxıl yüklərinin daşınmasına qarşı tətbiq edəcək qadağanı xatırladan “Lragir.am” saytı bunun Ermənistan üçün acı nəticələr verə biləcəyini xatırladır. Maraqlıdır ki, ermənilər bunun günahını, həmişə olduğu kimi, yenə də kənarda axtarmağa çalışırlar. Sayt bütün bunların günahını qonşu ölkələrdə görür. Hətta Gürcüstan ərazisini Azərbaycan və Türkiyənin Ermənistana qarşı siyasi mübarizəsində “əlverişli platforma” hesab edir. Gürcüstan ərazisindən keçən kommunikasiyalarda Azərbaycanın maraqları barədə məlumatlar “əldə etdiyini bildirən” sayt yazır: «Ermənistanın bütün strateji kommunikasiyalarının Rusiya tərəfindən idarə olunduğunu nəzərə alsaq, onda taxıl məsələsi 100 illik regional status-kvonun iqtisadi kontekstində nəzərdən keçirilməlidir. Çünki məhz Rusiya 100 il bundan əvvəl Türkiyə ilə əlbir olaraq erməni torpaqlarını öz aralarında böldüyünə görə, indi Ermənistan bu çətinliklərlə üz-üzə qalıb (?)”.
Təbii ki, saytın qeyd etdikləri yenilik deyil. “Bir dövlət kimi bəşəriyyət tarixində heç bir mühüm rol oynamamış» (A.S.Qriboyedov) bu millət çətin anda öz hiyləgərliklərindən “yararlanmaqda” çox mahirdir. Hazırda bu ölkənin KTMT-də üzləşdiyi problem də bu xalqın yeni rəhbərinin səbatsız siyasətinin nəticəsi kimi dəyərləndirilməlidir. Onlar rusiyalı jurnalist Sergey Dorenko da daxil olmaqla Ermənistan barədə deyilən həqiqətləri özləri üçün təhqir kimi qəbul edirlər.
Məlumdur ki, KTMT-də baş katiblik postunu rusiyalı Valeriy Semerikov müvəqqəti olaraq icra etsə də, bu post hələ ki, boşdur. Ermənilər yenidən bu postu tutmağa ümidli olsalar da, təşkilat daxilindəki vəziyyət başqa məqamlardan xəbər verir. Məsələn, “Panorama. Am” saytına açıqlama verən erməni ekspert Suren Sarkisyan ölkəsinin yenidən təşkilatdakı bu posta sahib ola biləcəyini o qədər də real saymır: “Əgər təşkilatda fikir birliyi mövcud deyilsə, Rusiya nümayəndəsi baş katib kimi fəaliyyətini davam etdirəcək”. Sarkisyan hazırda vaxtın da Ermənistanın xeyrinə olmadığını bildirir: “Mən baş katibliyin Belarusa keçməsi üçün Belarus və Qazaxıstan prezidentlərinin bir-birini dəstəklədiyini düşünürəm». Saytın Azərbaycanın nə vaxtsa KTMT sıralarına qoşulması ilə bağlı sualını cavablandıran erməni ekspert bunu istisna etmir: “Etiraf edilməlidir ki, Azərbaycan həm iqtisadi, həm siyasi, həm də strateji göstəricilərinə görə, KTMT üçün Ermənistandan daha da çox önəm kəsb edir. Unutmayaq ki, Belarus və Azərbaycan arasında ticarət dövriyyəsinin həcmi Ermənistanla bu ölkə arasındakı ticarət dövriyyəsindən daha çoxdur. Bu göstəricini Rusiya və Qazaxıstanla münasibətlərə də şamil etmək olar. Onar görə KTMT-yə Ermənistanla müqayisədə Azərbaycanla əməkdaşlıq etmək daha çox sərf edir. Bu gün Azərbaycanın KTMT-yə təsir göstərməsi də şübhə doğurmur. Mən bu təşkilatda Azərbaycana Ermənistandan daha çox dəyər verildiyini istisna etmirəm”.
Ağasəf Babayev




 
Bölməyə aid digər xəbərlər
04.12.2020
Özbəkistan mediası Ermənistanın Qarabağda törətdiyi ekoloji terror aktlarından yazıb
04.12.2020
Moskvada koronavirusdan daha 77 nəfər ölüb
04.12.2020
Yeni müharibə başlaya bilər: Ermənilər ölkəni tərk edir
03.12.2020
Gürcüstanda parlament seçkilərinin yekun nəticələri açıqlanıb
03.12.2020
Erməni KİV: Paşinyanın əvəzinə 97 donuz ala bilərik

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 12129

1 Metyu Brayza: “Fransa ATƏT-in Minsk Qrupunun həmsədri ola bilməz”
2 Dağlıq Qarabağ və ətraf regionların bərpa olunan enerji resurslarından səmərəli istifadə qarşıda duran əsas prioritetdir - Pərviz Şahbazov
3 Azan sədasında quşların möhtəşəm rəqsi - VİDEO
4 “LUKOYL-Azərbaycan” haqqında yayılan sorğu və kampaniya həqiqət deyil
5 Distant təhsilin müddəti uzadıldı - QƏRAR


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info