Aİİ-də “İnsan niyə tükənir?” mövzusunda təlim keçirilib
Tarix: 06.12.2018 | Saat: 13:02:00 | E-mail | Çapa göndər


Azərbaycan İlahiyyat İnstitutunda (Aİİ) yazıçı-psixoloq Rövşən Abdullaoğlunun təqdimatında “İnsan niyə tükənir?” mövzusunda təlim keçirilib.
Aİİ-nin Dillər və ictimai fənlər kafedrasının müdiri, fəlsəfə üzrə fəlsəfə doktoru İlkin Əlimuradov tədbir iştirakçılarını salamlayaraq bildirib ki, tələbələrin dünyagörüşünün zənginləşdirilməsində, elmi axtarışlara sövq edilməsində Azərbacan İlahiyyat İnstitutunun müxtəlif mövzularda təşkil etdiyi “dəyirmi masa”lar, seminarlar, treninqlər və görüşlər xüsusi rol oynayır. Aİİ-də ötən dövr ərzində maarifləndirmə istiqamətində xeyli iş görüldüyünü qeyd edən İ.Əlimuradov mövzunun əhəmiyyətinə toxunaraq, tələbələrdə vaxtın idarə olunması, zaman itkisinə səbəb olan amillərin ortaya çıxarılması və aradan qaldırılması, iş planının düzgün tərtibi, gənclərə məsuliyyət vərdişlərinin aşılanması, o cümlədən, fərdi özünüifadə bacarıqlarının inkişaf etdirilməsində belə tədbirlərin keçirilməsinin vacibliyini vurğulayıb.
Yazıçı-psixoloq Rövşən Abdullaoğlu “İnsan niyə tükənir?” mövzusunda çıxış edərək bildirib ki, təlimin əsas məqsədi tükənmə sindromunun əlamətləri və onunla mübarizə yollarıdır. O bildirib ki, özünü hər gün narahat və yorğun hiss edən, tez hirslənən, həyatından və işindən zövq ala bilməyən insanlar tükənmə sindromundan əziyyət çəkirlər.
Psixoloq insanlarla daha çox ünsiyyət qurulan işlərdə bu sindromun yaşanma risqinin yüksək olduğunu qeyd edib. O, tükənmə sindromunu aradan qaldırmağın mümkün olduğunu vurğulayıb. Yazıçı-psixoloq “Nə baş verir?”, “Mən nə istəyirəm?”, “İstəklərimi necə yerinə yetirə bilərəm?”, “Hansı alternativlərim var?” tipli suallara cavab tapmaqla sindromu müalicə etməyin mümkünlüyünü bildirib.
Tələbələrin və qonaqların qatıldığı təlim maraqlı müzakirələrlə davam edib.

Tural




 
Bölməyə aid digər xəbərlər
18.02.2019
Aİİ-də “Xocalıda məhv olmuş 8 ailə” filmi nümayiş etdirilib
18.02.2019
ADPU-da professor Seyidağa Həmidovun xatirəsinə həsr olunmuş tədbir keçirilib
18.02.2019
Yaqub Mahmudova həsr olunmuş kitabın təqdimatı olub
18.02.2019
“Müharibə Əfqanıstan mədəniyyətinə, təhsilinə təsirsiz ötüşmədi”
15.02.2019
“Acer” Azərbaycanda “Sabahın alimləri” Respublika müsabiqəsinin qaliblərini mükafatlandırdı

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10602

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 Milli qəhrəmanlara və şəxsiyyətlərə hücum savaşın tərkib hissəsidir
3 “Vzqlyad.ru”: “Nazarbayev və Əliyev türk-islam dünyasının lideri roluna ən aktiv iddiaçılardır”
4 “Əsas oxucu kütləsi sayılan gənclər bu gün internet mediaya daha çox üstünlük verirlər”
5 Qabaqcıl texnologiyalar dövründə ənənəvi və internet medianın inkişafı


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info