“Coca-Cola” Fondu dünya üzrə sosial layihələrə 1 mlrd. dollar yatırıb
Tarix: 10.12.2018 | Saat: 12:58:00 | E-mail | Çapa göndər


“Coca-Cola” şirkətinin 1984-cü ildə təsis etdiyi “Coca-Cola” Fondu əsası qoyulduğu gündən indiyədək bütün dünyada sosial layihələrə 1 mlrd. ABŞ dollarından çox maliyyə vəsaiti xərcləyib. Bunu “Coca-Cola” şirkətinin baş direktoru Ceyms Kuinsi Atlantada çıxış edərkən bildirib.
Ceyms Kuinsi onu da əlavə edib ki, son 30 ildən artıq müddət ərzidə “Coca-Cola” Fondunun dəstəklədiyi proqramlar 2 400-dən artıq təşkilat tərəfindən icra olunmaqla 655 milyondan çox insanı əhatə edib. Bu layihələr dünyanın əksər ölkələrində əsasən ətraf mühitin qorunması, qadınların inkişafına dəstək və ümumiyyətlə cəmiyyətin sosial rifahının yaxşılaşmasına yönəlib. “Coca-Cola” Fondu bu mötəbər missiyanı həyata keçirməkdə onunla əməkdaşlıq edən tərəfdaşlarına və icmaların inkişafında əməyi keçən hər kəsə təşəkkür etmək üçün #ThanksABillion (“Milyard dəfə təşəkkür”) adlı kampaniyaya başlayıb.
“Coca-Cola” Fondunun prezidenti Helen Smit Prays təşkilatın missiya və məqsədlərini şərh edərək bildirib ki, Fondun məqsədi şirkətin təmsil oldunduğu bütün ölkələrdə cəmiyyətin inkişafını dəstəkləmək, insanların həyat səviyyəsinin yüksəlməsinə yardım etməkdir.
“Coca-Cola” şirkətinin uğuru fəaliyyət göstərdiyi ölkələrin, cəmiyyətlərin dayanıqlı inkişafına bağlıdır. Bu gün dünya istehlakçıları sosial inkişafı dəstəkləyən, cəmiyyətdə müsbət dəyişikliklərə yol açan şirkətlərə üstünlük verirlər. Məhz buna görə 2007-ci ildə şirkətimiz özünün illik əməliyyat gəlirlərinin ən azı 1%-ni icmalara geri qaytarmaq öhdəçiliyini üzərinə götürüb. Biz hər il gəlirlərimizin bir hissəsini sosial inkişafa yönəldirik. Biznesimiz nə qədər çox qazanarsa, biz də cəmiyyətə bir o qədər çox dəstək ola bilərik», - deyə Helen Smit Prays qeyd edib.
Fond hər il dünyanın bir çox ölkəsindən insanların həyatında müsbət dəyişiklik etmək, cəmiyyətlərin inkişafına töhfə vermək üçün minlərlə layihə təklifi alır. Hər bir layihə fərdi şəkildə dəyərlənidirir, yerli icmaların ehtiyaclarına nə dərəcədə cavab verdiyi və şirkətin sosial inkişaf prioritetlərinə (ətraf mühitin qorunması, qadınlara dəstək və cəmiyətin sosial rifahının yaxşılaşdırılması) uyğunluğu nəzərə alınır.
“Coca-Cola” Fondunun Azərbaycanda dəstəklədiyi sosial layihələr haqqında məlumat verən şirkətin Qafqaz regionu üzrə kommunikasiya meneceri Elşad Fərzəliyev bildirib: “Həm “Coca-Cola” Fondu, həm də “Coca-Cola” şirkəti son 7 il ərzində ölkəmizdə bir sıra önəmli ekoloji və sosial layihəyə dəstək olub, bunun üçün 2,6 milyon dollar vəsait xərcləyib. Bu layihələrdən indiyədək 1,3 milyondan çox insan bəhrələnib. “Coca-Cola” hər zaman Azərbaycanın sosial inkişafına böyük önəm verib və bu istiqamətdə dəstəklədiyimiz layihələrin icrasında bizimlə əməkdaşlıq edən təşkilatlara və dövlət qurumlarına öz təşəkkürümüzü bildiririk”.
Fondun dəstəklədiyi ən iri layihələrindən biri ADA Universitetinin tərəfdaşlığı ilə birgə reallaşan “Ağac əkək, təbiətə töhfə verək” layihəsidir. Bu layihə nəticəsində Bakı və Abşeron yarımadasında 50 minədək zeytun və şam ağacları əkilib. Hər bir ağac isə damcı-suvarma sistemi ilə təchiz edlib ki, bu da ağacların dayanıqlı olmasını təmin edir.
Fondun maliyyələşdirdiyi digər layihə isə gənclər arasında sahibkarlıq fəaliyyətinin təşviqi məqsədi daşıyan “Youth İnc” proqramıdır. Proqram Gənclər və İdman Nazirliyinin dəstəyi ilə “Vətəndaş Cəmiyyətində Debatlar” təşkilatı tərəfindən icra olunur. Proqram çərçivəsində minlərlə gənc qız və oğlanlar biznesin əsasları təlimi alaraq onlarla kiçik biznesə başlamağa müvəffəq olublar. Bu proqram nəticəsində 200-dək gənc işlə təmin edilib.
“Uğurlu qadın, uğurlu gələcək” adlı layihə isə “Coca-Cola” Fondunun dəstəyi ilə “ASAN Konüllüləri” təşkilatı tərəfindən həyata keçirilib. Layihə Azərbaycanın turizm potensialı ilə tanınan Qəbələ, Masallı və Gəncə bölgələrində işsiz qadınlara turizm və sahibkarlıq təlimi keçərək onları bu sahədə sahibkarlıq fəaliyyətinə həvəsləndirmək məqsədi daşıyır.
Bundan başqa, “Coca-Cola” şirkəti BMT-nin İnkişaf Proqramı və Ailə, Qadın və Uşaq Problemləri üzrə Dövlət Komitəsi ilə birgə Salyan və Neftçalada iki qadın resurs mərkəzi açıb. Hər iki mərkəz qadınların təşəbbüslərini dəstəkləyir və hazırda onların köməyi ilə 500-dən çox kəndli qadın əlavə iqtisadi və sosial bacarıqlara yiyələnib, 79 məhdud fiziki imkanlı qadın yeni peşə bacarıqlarına yiyələnib və öz biznes-planlarını hazırlayıblar, 22 sahibkar qadın isə iqtisadiyyatın müxtəlif sahələrində şəxsi bizneslərini yaradıb. Layihə nəticəsində əyalətdən olan xanımlar tərəfindən 10-dan çox kiçik biznes fəaliyyətə başlayıb.




 
Bölməyə aid digər xəbərlər
19.10.2020
İşğal edilmiş Azərbaycan ərazilərində 82 növ Qafqaz endemi məhv edilib
19.10.2020
DİN vətəndaşlara müraciət edib
18.10.2020
Ad günün mübarək, Nigar, bağışla ki, qonşumuz qaniçən Ermənistandır
17.10.2020
Azərbaycanın 50 siyasi partiyası beynəlxalq və regional təşkilatlara müraciət ünvanlayıb
16.10.2020
Hər kəs can atır ki, cəbhəyə getsin - Quba Ağsaqqallar Şurasının sədri

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11795

1 Azərbaycanın Xalq yazıçısı Afaq Məsud dünya yazıçılarına müraciət edib
2 “Azərbaycan-Pakistan dostluğu əbədidir və sarsılmazdır“ adlı rəsm müsabiqəsi
3 Бакинские армяне призывают Ереван прекратить оккупацию
4 Sergey Markov: “Paşinyan qorxur ki, onu güllələyəcəklər”
5 Aleksey Fenenko: “Paşinyan KTMT-yə ehtiyac duymadığını və dostlarının Qərbdə olduğunu söyləyirdi”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info