Beynəlxalq Əmək Təşkilatı əmək müfəttişliyi sisteminin gücləndirilməsi məqsədilə təlim kursu keçirib
Tarix: 13.12.2018 | Saat: 13:17:00 | E-mail | Çapa göndər


Əmək və Əhalinin Sosial Müdafiəsi Nazirliyi və Beynəlxalq Əmək Təşkilatının (BƏT) birgə təşkilatçılığı ilə əmək müfəttişliyi sisteminin gücləndirilməsi məqsədilə növbəti təlim kursu keçirilib.
Nazirlikdən verilən məlumata görə, Dövlət Əmək Müfəttişliyi Xidmətinin rəisi Elman Cəfərov hazırda həyata keçirlən islahatların bir istiqamətinin də əmək müfəttişliyi sisteminin beynəlxalq innovativ təcrübələrdən irəli gələn səmərəli iş mexanizmləri əsasında təkmil səviyyədə qurulmasına və gücləndirilməsinə yönəldiyini vurğulayıb. E.Cəfərov BƏT-lə birgə icra olunan “2016-2020-ci illər üçün Layiqli Əmək üzrə Ölkə Proqramı”nın bu sahədə fəal dəstək olduğunu diqqətə çatdırıb. Xidmət rəisi bildirib ki, həmin Ölkə Proqramının prioritetlərindən biri də Dövlət Əmək Müfəttişliyi Xidmətinin fəaliyyətinin təkmilləşdirilməsi və potensialının artırılması, fəaliyyətin gücləndirilməsi, BƏT yanaşmaları da nəzərə alınmaqla səmərəli fəaliyyət mexanizminin və nəzarət sisteminin formalaşdırılmasıdır. Bu istiqamətdə beynəlxalq təşkilatla birgə işlər çərçivəsində əmək müfəttişləri üçün təlimlər təşkil olunur. Hazırkı təlim kursu da “Azərbaycanda əmək müfəttişliyi sisteminin gücləndirilməsi: Əməyin mühafizəsi və sağlamlığı üzrə məlumatların toplanması və istifadəsinin optimallaşdırılması, əmək müfəttişləri üçün strateji uyğunluq planlaşdırılmasına BƏT-in yanaşması” mövzusuna həsr olunub.
Azərbaycan Həmkarlar İttifaqları Konfederasiyasının sədrinin müavini Cavanşir Alxasov, Azərbaycan Respublikası Sahibkarlar (İşəgötürənlər) Təşkilatları Milli Konfederasiyasının Baş katibinin müavini Fuad Hümbətov, BƏT-in Layiqli Əməyə Texniki Dəstək Qrupunun, Şərqi Avropa və Mərkəzi Asiya ölkələri üzrə ofisinin əməyin idarə olunması, əməyin təftişi, əməyin təhlükəsizliyi və sağlamlığı üzrə baş mütəxəssisi Valentin Mokanu təlimin mövzusunun aktuallığını qeyd ediblər.
Təlim kursunda V.Mokanu tərəfindən “Əməyin idarə olunması və əməyin təftişi: Çətinliklər və perspektivlər”, “Əmək müfəttişləri üçün strateji uyğunluq planlaşdırılmasına BƏT-in yanaşması”, “Əməyin mühafizəsi və sağlamlığı üzrə məlumatların toplanması və istifadəsinin optimallaşdırılması: BƏT-in müvafiq Konvensiyaları”, Əmək və Əhalinin Sosial Müdafiəsi Nazirliyinin Əmək və Sosial Problemlər üzrə Elmi-Tədqiqat və Tədris Mərkəzinin Əmək şəraiti və əməyin mühafizəsi şöbəsinin müdiri İlqar İskəndərovun “Sağlam əmək şəraitinin yaradılmasına mane olan amillərin aradan qaldırılması” mövzularında təqdimatlar edilib, həmin mövzularda müzakirələr aparılıb.

Tural




 
Bölməyə aid digər xəbərlər
16.10.2019
Azərbaycan və Qətər hökumətləri arasında Sərmayə üzrə Birgə İşçi Qrupunun ilk iclası keçirilib
16.10.2019
70 saylı Masallı şəhər və 71 saylı Masallı kənd seçki dairələrində seminarlar keçirilib
16.10.2019
Masallıda Nəsiminin yubileyinə həsr olunmuş rəsm müsabiqəsi keçirilib
16.10.2019
Gənclər Fondunun Müşahidə Şurasının növbəti iclası keçirilib
16.10.2019
Misirdə Azərbaycanın Müstəqillik Günü münasibətilə müsabiqə keçirilib

Şərh əlavə olunmayıb

    ,    
Namiq Əliyev
Fuad HÜSEYNZADƏ
Namiq Əliyev
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10916

1 Aşqabadda Azərbaycan və Türkmənistan prezidentlərinin görüşü olub
2 Bakıda Rus Kitab Evinin açılmasının 10 illik yubileyi qeyd olunub
3 Aşqabadda MDB Dövlət Başçıları Şurasının geniş tərkibdə iclası keçirilib
4 “Xoşbəxtlikdən, Azərbaycanın qolu sayılmadı“
5 Vasim Məmmədəliyev vəfat edib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info