Ermənistan hakimiyyəti öz xalqını qonşu dövlətlərlə sülhə hazırlamalıdır
Tarix: 12.01.2019 | Saat: 15:06:00 | E-mail | Çapa göndər


Azərbaycan Prezidenti Administrasiyasının (PA) Xarici siyasət məsələləri şöbəsinin müdiri Hikmət Hacıyev “TRT World” televiziyasına müsahibə verib.
Müsahibədə H.Hacıyev münaqişənin fundamental əsasını Ermənistanın gücdən istifadə edərək Azərbaycana qarşı törətdiyi işğalçılıq siyasəti təşkil etdiyini qeyd edərək işğal olunmuş ərazilərdə Ermənistan tərəfindən azərbaycanlılara qarşı qanlı etnik təmizləmə törədildiyini, milyondan artıq azərbaycanlının hələ də qaçqın və məcburi köçkün şəraitində yaşamaq məcburiyyətində qaldığını deyib.
Hazırda işğala əsaslanan status-kvonun qəbuledilməzliyini vurğulayan PA rəsmisi Ermənistanın “fait accompli” yanaşmasını tətbiq etməyə və işğalı möhkəmləndirməyə çalışdığını deyib.
O əlavə edib ki, münaqişənin həllində irəliləyiş əldə etmək üçün ilk növbədə işğal faktı aradan qaldırılmalı və Ermənistan qoşunları Azərbaycanın işğal olunmuş ərazilərindən çıxarılmalıdır. Münaqişənin həllinin əsasının BMT Təhlükəsizlik Şurasının müvafiq qətnamələri, Helsinki Yekun aktı və digər sənədlərdə təsbit olunduğunu deyən H.Hacıyev Ermənistan qoşunlarının işğal olunmuş ərazilərdən çıxarılmasından sonra münaqişənin siyasi həlli üçün imkanların yarana biləcəyini diqqətə çatdırıb.
Düşənbə zirvə toplantısına toxunan H.Hacıyev Azərbaycan Prezidenti İlham Əliyev ilə Ermənistanın baş naziri vəzifəsini icra edən N.Paşinyan arasında söhbətin olduğunu deyərək Azərbaycannın öz konstruktiv mövqeyini bir daha nümayiş etdirdiyini bildirib. O əlavə edib ki, Azərbaycan münaqişənin həllində ən maraqlı tərəfdır, belə ki, Azərbaycan 26 ildən artıq olaraq işğaldan əziyyət çəkir. H.Hacıyev hazırda münaqişənin həlli üçün əlverişli imkanların olduğuna diqqəti çəkərək Ermənistanın hökumət formalaşdıqdan sonra münaqişənin həlli istiqamətində addımlar atmalı olduğunu qeyd edib.
"Etnik barışıq mümkündürmü?", - deyə aparıcının sualına cavab verən PA rəsmisi bildirib ki, Azərbaycan özünün multikultural dəyərləri və tolerantlıq mədəniyyəti ilə fəxr edir və münaqişənin həlli prosesi çərçivəsində etnik barışıq çətin və vaxt tələb edən məsələ olsa da, bu, mümkündür: "Bunun üçün ilk növbədə Ermənistan qoşunları ərazilərdən çıxarılmalı, azərbaycanlı məcburi köçkünlərin öz doğma torpaqlarına qayıtması təmin olunmalıdır. Bu əsnada etimad quruculuğu tədbirləri həyata keçirilə, hərtərəfli regional əməkdaşlıq bərpa oluna və etnik barışıq təmin oluna bilər".
H.Hacıyev hazırda Ermənistanın təcrid vəziyyətində olduğunu, nəqliyyat imkanlarına çıxışının olmadığını deyərək, münaqişənin həlli prosesi nəticəsində Ermənistanın regional əməkdaşlıq imkanlarından faydalana biləcəyini deyib. Eyni zamanda Administrasiya rəsmisi Ermənistanın işğalçılıq siyasətindən əl çəkməli, qonşu dövlətlərə münasibətdə beynəlxalq hüquqa əsaslanan siyasət yürütməli və Ermənistan hakimiyyətinin öz xalqını qonşu dövlətlərlə sülhə hazırlamalı olduğunu diqqətə çatdırıb.




 
Bölməyə aid digər xəbərlər
20.06.2019
Azərbaycanın Əfqanıstandakı əməliyyatlara göstərdiyi dəstək ABŞ tərəfindən yüksək qiymətləndirilir
19.06.2019
Bakıda Bolqarıstan ilə Azərbaycan arasında əməkdaşlıq əlaqələrini müzakirə edəcəyik
19.06.2019
Hərbi qulluqçuların maaşlarının artırılması hərbiçilərə göstərilən diqqət və qayğının növbəti təzahürüdür
19.06.2019
Prezidentin sərəncamları təhsilə göstərilən qayğının daha bir təzahürüdür
19.06.2019
“Sərəncamlar insan amilinin dövlət başçısının uğurlu siyasətinin mərkəzində dayandığını bir daha təsdiq edir”

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10810

1 Minimum aylıq əməkhaqqı artırıldı- Prezident Sərəncam imzaladı
2 Müəllimlərin maaşı artdı - 20 faiz
3 “Balımı daha da artırıb Prezident təqaüdü almaq niyyətindəyəm”
4 Prezidentin Sərəncamı: 160 minə yaxın müəllimin orta aylıq maaşı 605 manat oldu
5 Bakı Atatürk Liseyində məzun günü münasibəti ilə tədbir keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info