Aİİ Şamaxıda “Din, mədəniyyət və cəmiyyət” mövzusunda “Qış məktəbi” təşkil edib
Tarix: 01.02.2019 | Saat: 12:56:00 | E-mail | Çapa göndər


Azərbaycan İlahiyyat İnstitutu (Aİİ) Şamaxı rayonunda “Din, mədəniyyət və cəmiyyət” mövzusunda “Qış məktəbi” təşkil edib. Fevralın 2-nə qədər davam edəcək “Qış məktəbi”nin təşkilinin əsas məqsədi tələbələrin dünyagörüşünün zənginləşdirilməsi, onların ölkəmizdə mövcud multikultural, tolerant mühitin canlı şahidi olmalarıdır.
İnstitutun kollektivi şəhərin mərkəzində ucaldılan ümummilli lider Heydər Əliyevin abidəsi önünə tər çiçəklər düzərək, dahi rəhbərin xatirəsini ehtiramla yad edib.
“Qış məktəbi” layihəsinin ilk günündə tələbələr üçün idarəçi, biznes məsləhətçisi Fəxri Ağayevin “Şəxsi inkişafda mütaliənin rolu”, “Şəxsi inkişaf və karyera” mövzularında təlimləri təşkil olunub.
F.Ağayev “Şəxsi inkişafda mütaliənin rolu” mövzusunda danışaraq, insanın şəxsiyyət kimi formalaşmasında mütaliənin xüsusi rolundan bəhs edib. Bildirib ki, insan mütaliə edərək öz dünyagörüşünü, biliklərini, həyat təcrübəsini, mənəviyyatını, nitq qabiliyyətini daha da zənginləşdirir: “Gənclərimiz istər orta, istərsə də ali tədris müəssisələrində istifadə etdikləri vəsaitlərdə nəzərdə tutulan biliklərdən tam məlumat ala bilmirlər. Müəyyən vaxt çərçivəsində məhdudlaşan ali və orta ixtisas təhsili məktəblərinin proqramları lazımi məlumatları özündə bütöv şəkildə əks etdirmir”.
F.Ağayev “Şəxsi inkişaf və karyera” mövzusunda digər məruzəsində isə qeyd edib ki, yeniyetmə və gənclərin fərdi bacarıqlarını inkişaf etdirmək onlara karyera imkanlarını dəyərləndirməkdə effektiv köməklik edə bilər. O bildirib ki, uğurlu karyera qurmaq üçün təkcə sahə və peşə bilikləri yetərli deyil, həmçinin insanın sosial vərdişləri, bacarıqları da xüsusi əhəmiyyət daşıyır.
Sonra tələbələr Azərbaycan Respublikasının Prezidenti cənab İlham Əliyevin göstərişi ilə bərpa edilən, Vətənimizin yaşı əsrlərlə ölçülən Dəmirçi məscidini ziyarət ediblər. Tələbələrə məlumat verilib ki, tarixi abidəmiz olan bu qədim məscid 755-ci ildə tikilib. Qeyd olunub ki, ulu öndər Heydər Əliyevin siyasi kursunun layiqli davamçıları – Azərbaycan Respublikasının Prezidenti cənab İlham Əliyev və Birinci vitse-prezident xanım Mehriban Əliyevanın diqqət və qayğısı nəticəsində ölkəmizdə bütün tarixi abidələr, ziyarətgahlar, məscidlər bərpa edilir, əsaslı təmir olunur və yeniləri inşa olunur. Günün sonunda tələbələrin asudə vaxtının səmərəli təşkili üçün film nümayişi təşkil olunub. Azərbaycan İlahiyyat İnstitutu müasir təhsil standartları və dünya təcrübəsi əsasında təsis edilmiş ali təhsil müəssisəsidir. İnstitut tələbələrinin elmə, təhsilə marağının artırılması və intellektual səviyyələrinin yüksəldilməsi, milli-mənəvi dəyərlərimizin təbliği məqsədilə müxtəlif tədbirlər həyata keçirir.

Tural




 
Bölməyə aid digər xəbərlər
21.09.2019
UNEC-də mentorluq fəaliyyətində yeni mərhələ: Türkiyə təcrübəsi
21.09.2019
Müddətli müqavilə üzrə müəllimlərin işə qəbulunun II turu başlayıb
20.09.2019
Mehriban İmanova Prezident yanında Elmin İnkişafı Fonduna icraçı direktor təyin edildi
20.09.2019
Abdus Salam adına Beynəlxalq Nəzəri Fizika Mərkəzinin direktoru BDU-ya rəsmi səfərə gəlib
20.09.2019
Müddətli müqavilə ilə müəllimlərin işə qəbulu üzrə ikinci tur başlanır

Şərh əlavə olunmayıb

    ,    
Namiq Əliyev
Ağasəf Babayev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10895

1 Müəllimlərin təkmilləşdirilməsi üçün təlimlər keçiriləcək
2 В Великобритании перешли на систему образования СССР
3 Vilayət Eyvazov sərəncamda olan rəisə vəzifə verdi
4 “Bəzi belarus tələbə qızlar artıq Azərbaycana gəlin köçməyə hazırlaşırlar”
5 “Siyasi partiyaların bir araya gəlməsi müsbət qiymətləndiriləsi hadisədir”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info