Paşinyanın xarici siyasət konsepsiyası yoxdur
Tarix: 01.02.2019 | Saat: 17:02:00 | E-mail | Çapa göndər


Ayk Martirosyan:” Rusiyanı qəzəbləndirəcək addımlar atılmamalıdır”

Ermənilərin «1in.am» saytına danışan erməni politoloq Ayk Martirosyan bu gün Ermənistanın baş naziri Nikol Paşinyanın ən böyük problemi kimi, onun xarici sahədə ciddi mütəxəssislərə malik olmamasını göstərir. Onun fikrincə, bu gün ölkəsinin mövqeyi zəifləməsə də, lakin bunun gələcəkdə necə, hansı itiqamətdə inkişaf edəcəyini təsəvvür etmək çətindir.
Martirosyana görə, yeni hakimiyyət Qarabağ məsələsində problemli addımlar atmaqdan əvvəl, davranışını dərindən düşünməlidir:” Amma mənim üçün, Paşinyanın bütün atdığı addımlarla bağlı, əvvəlki hakimiyyət nümayəndələri tərəfindən tənqid edilməsi anlaşılmaz olaraq qalmaqdadır. Çünki yeni hakimiyyəti bütün məsələlərlə yanaşı, xəyanətdə ittiham etmək doğru deyil. İnkar etmirəm, hələ ki, Paşinyanın hərəkətlərində hansısa bir səhvi görmək olar. Lakin bu səhvləri xəyanət kimi qələmə vermək doğru deyil”.

“Rəsmi İrəvan artıq Moskva ilə yeddi dəfə yüksəksəviyyəli görüş keçirib. Lakin hələ də elə bir nəticə əldə edilməyib”

Ermənistanın Avrasiya İqtisadi Birliyinə sədr seçilməsini, bu strukturun ölkəsi üçün hələ də böyük əhəmiyyətə malik olduğunu bildirən erməni politoloq Rusiyanın regiondakı artan və ya azalan rolunun artıq Ermənistana aid olmadığını bildirir (?): «Bu gün Rusiyanın ətraf ölkələrdə və ya Yaxın Şərqdə hansı siyasəti həyata keçirəcəyi Ermənistan üçün o qədər də önəm kəsb etmir. Bu gün Rusiyanın Ermənistana təsir gücü məsələsinin hələ də səngimədiyi barədə danışılır. Əslində, bu məsələni daha çox qabardan Qərbə xatırlatmaq lazımdır ki, onların Ermənistanın daxili işlərinə müdaxilə etməyə əsasları yoxdur. Ermənistanın xarici siyasəti Ermənistanın öz problemidir. Rəsmi İrəvan artıq Moskva ilə yeddi yüksəksəviyyəli görüş keçirib. Lakin hələ də elə bir nəticə əldə edilməyib. Ən azı, maddi baxımdan müsbət dəyişikliklər yoxdur. Ona görə də İrəvan bunu təhlil etməli və nəticə çıxarmalıdır. Bir daha etiraf edilməlidir ki, bütün bu yaşananlarda təkcə Moskvanı ittiham etmək düzgün olmazdı, çünki bu mələlələrdə, haradasa, İrəvanın da səhvlərini etiraf etmək lazımdır. Deməliyəm ki, bu gün vaxtilə Paşinyana meydanda dəstək verənlər ondan Qərblə münasibətlərdə yaxşı nəticələr əldə etməyi tələb edirlər. Lakin ununtmamaq lazımdır ki, xarici siyasət sahəsində elə də güclü mütəxəssislərə malik olmayan Paşinyanın hələ də xarici siyasət konsepsiyası yoxdur. Bu gün Ermənistanın Xarici İşlər Nazirliyində onlarla peşəkar işçi diplomatik baxımdan gözəl sözlər söyləyə bilsələr də, onların çoxu həyati olmayan ciddi ideyalar içində deyillər».
Qeyd edilməlidir ki, eriməni politoloq, bütün hallarda, yeni erməni rəhbərliyinə Rusiyanı qəzəbləndirəcək addımların atılmamasını məsləhət görür.
Ağasəf Babayev




 
Bölməyə aid digər xəbərlər
29.09.2020
İzvestiya: Dağlıq Qarabağdan əhalinin təxliyəsinə başlanılıb
26.09.2020
Ermənilər və onların havadarları sosial şəbəkələrdə yalan məlumatlar yayır
26.09.2020
Ukraynada hərbi təyyarə qəzaya uğrayıb, 22 nəfər ölüb -VİDEO
26.09.2020
Paşinyana Azərbaycanla müharibə niyə lazımdır? - Rusiyalı ekspertin şərhi
25.09.2020
Ermənistanda kənd sakinləri “Qazprom“un əməkdaşlarına hücum edib

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11604

1 Xalqımızın halal haqqı
2 “Azərbaycan mədəniyyətinin təbliğində Heydər Əliyev Mərkəzlərinin rolu”
3 “Qara dul qadın” filminin premyerası təxirə salınıb
4 MN: Azərbaycan Ordusu mülki əhalini atəşə tutmur
5 Ukraynada hərbi təyyarə qəzaya uğrayıb, 22 nəfər ölüb -VİDEO


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info