Dövlət Miqrasiya Xidməti “Miqrant” adlı foto və video müsabiqə elan edir
Tarix: 06.02.2019 | Saat: 18:50:00 | E-mail | Çapa göndər


Dövlət Miqrasiya Xidməti (DMX) 19 mart – Azərbaycan Respublikası Miqrasiya orqanları işçilərinin peşə bayramı günü münasibətilə “Miqrant” adlı foto və video müsabiqə elan edir.
DMX-dən bildiriblər ki, müsabiqənin şərtlərinə əsasən, təqdim edilən foto və video materiallarda həm qanuni, həm də qanunsuz miqrasiya ilə bağlı miqrant həyatı, miqrasiya sahəsi üzrə əcnəbilərin, vətəndaşlığı olmayan şəxslərin, sığınacaq axtaranların, qaçqınların və sair insanların həyat tərzi, miqrantların cəmiyyətə faydası və inteqrasiyası, insanların bu şəxslərə münasibəti, ictimai faydalı mesajlar əksini tapmalıdır. Müsabiqənin şərtlərinə görə, iştirakçılar 16 yaşdan yuxarı olmalıdır. Müsabiqəyə həm peşəkar, həm də həvəskarlar qatıla bilərlər. Yerli və xarici müəlliflərin hər biri müsabiqədə yalnız bir nominasiya üzrə iştirak edə bilər. Göndərilən işlər müsabiqənin şərtlərinə uyğun gəldiyi halda müəlliflər iştirakçı statusu qazanmaları haqda məlumatlandırılacaqlar.
Hər nominasiya üzrə altı ən yaxşı iş (1 nəfər I, 2 nəfər II, 3 nəfər III yer) seçiləcək və qaliblər 19 mart – Azərbaycan Respublikası miqrasiya orqanları işçilərinin peşə bayramı günü münasibətilə keçiriləcək tədbirdə qiymətli hədiyyələr və diplomla mükafatlandırılacaq.
Foto müsabiqədə fotoşəkillər JPEG formatda, uzun tərəfi 1500 piksel olmalıdır. Fotolar musabiqe@migration.gov.az email ünvanına məzmun yerində FOTO yazılaraq göndərilməlidir. Əlavə olunmuş faylda iştirakçılar adları, yaşları, peşələri, əlaqə vasitələri, fotoşəklin çəkildiyi yer, işin adı, fotoşəkil barədə qısa məlumat təqdim etməlidirlər. Müəlliflər təqdim etdikləri fotoların onlara məxsus olduğunu təsdiqləməlidirlər. Münsiflər lazım gəldikdə fotonun ilkin variantını tələb etmək hüququndadır. Təqdim olunan fotoların üzərində heç bir müəllif imzası və ya loqosu yerləşdirmək olmaz. Təqdim edilən fotoların üzərində fotoredaktə proqramlarında heç bir əlavələr edilməməlidir. Başqa müəllifə aid, internetdən və ya digər mənbələrdən mənimsənilmiş fotolar qəbul edilmir. Mənəvi, etik normaları pozan, zorakılığı və insan psixologiyasına mənfi təsir edən digər səhnələri əks etdirən fotolar qəbul olunmur. Bir müəllif maksimum üç foto təqdim edə bilər. Mükafata layiq görüləcək fotolar sərgi üçün böyük formatda tələb olunacaq. Video müsabiqədə isə materiallar süjet (xronometraj maksimum iki dəqiqə), reportaj (xronometraj maksimum beş dəqiqə), qısametrajlı film (xronometraj maksimum 15 dəqiqə) və ya NO COMMENT tipli video blok (xronometraj maksimum iki dəqiqə) şəklində təqdim oluna bilər. Video materiallar “WeTransfer” vasitəsilə məzmun yerinə VİDEO yazılaraq musabiqe@migration.gov.az email ünvanına göndərilməlidir. Həmin ünvana müəllifin və ya prodakşının adı, əlaqə vasitələri, işin adı, video haqqında qısa məlumat təqdim edilməlidir. Video materiallar MP4 formatda Dövlət Miqrasiya Xidmətinin əsas binasına (AZ1114, Bakı şəhəri, Binəqədi rayonu, 3123-cü məhəllə, Binəqədi şosesi 202. Metronun “Azadlıq prospekti” stansiyasının yaxınlığında) disk şəklində də təqdim edilə bilər. Video materiallarda arxiv videolardan, müxtəlif televiziya kanallarına məxsus kadrlardan qismən istifadəyə yol verilir. Mənəvi, etik normaları pozan, zorakılığı və insan psixologiyasına mənfi təsir edən digər səhnələri əks etdirən video materiallar və müsahibə qəbul edilmir. Hər müəllif maksimum üç video material təqdim edə bilər. Foto və video materiallar 2019-cu il martın 3-dək təqdim edilməlidir. Birinci yerin sahibi noutbuk, ikinci yeri tutan planşet, üçüncü yerə layiq görülən isə mobil telefonla mükafatlandırılacaq.




 
Bölməyə aid digər xəbərlər
19.10.2019
Mətbuat Şurası təhlükəsizlik məsələləri ilə bağlı jurnalistlərə müraciət ünvanlayıb
19.10.2019
Həmyerlimiz Türkiyədə keçirilən olimpiadada 3-cü yerə layiq görülüb
19.10.2019
Vilayət Eyvazovdan növbəti təyinat
19.10.2019
Milli Şuranın 19 oktyabr mitinqi təxirə salındı
19.10.2019
Gələn ildən məktəb və uşaq bağçalarının yaxınlığında enerji içkilərinin satışına icazə verilməyəcək

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10923

1 Prezident: Gələn ilin büdcəsi həm sosial, həm investisiya yönümlü olmalıdır
2 Mitinqi yox, Türk Şurasının nailiyyətini təbliğ edin...
3 Vasim Məmmədəliyev vəfat edib
4 Gələn il əmək pensiyaları bir daha artırılacaq
5 “Xoşbəxtlikdən, Azərbaycanın qolu sayılmadı“


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info