Moskva Dövlət Universitetinin Stavropol filialında, gənclər birliyi, dostluq, mədəniyyət, sülh və sosial beynəlxalq forumu keçirilib. Forumda Ümumrusiya Azərbaycanlıları Konqresinin Stavropol vilayəti üzrə regional rəhbəri, “Odlar yurdu” Azərbaycan Cəmiyyətinin prezidenti Fəxrəddin Yarıyevin rəhbərliyi ilə konqresin nümayəndə heyəti, Rusiyanın Azərbaycanlı Gənclər Təşkilatının gəncləri, diasporun Bazar günü məktəbinin şagirdləri yüksək səviyyədə iştirak ediblər. Bu haqda Fəxrəddin Yarıyev özü “Palitra”ya məlumat verib. Fəxrəddin Yarıyev forumda çıxış edərək Rusiya-Azərbaycan münasibətləri, eləcə də ölkəmizin tarixi, mədəniyyəti, adət-ənənəsi haqqında danışıb.
Qeyd edək ki, forum çərçivəsində Azərbaycan sərgisi də açılıb. Sərgidə Azərbaycanın milli geyimləri, musiqi alətləri, məişət əşyaları və s. nümayiş olunub. Qeyd edək ki, Azərbaycan sərgisini təqdim edən Bazar günü məktəbinin şagirdləri birinci yerə layiq görülüb.
Fuad Hüseynzadə
Xəbər 369 dəfə oxundu.